رامي رضوان عن مشكلة البنزين : الحكومة لقت الوقت المناسب
كتبت / مادونا عادل عدلي
منذ ساعات والسوشيال ميديا تتحدث عن اسعار البنزين والسونار وأنها بمثابة أزمة كبيرة تسببت في غضب الشعب المصري
و منذ ساعة نشر الإعلامي رامي رضوان وعلق على المشكلة عبر موقع التواصل الاجتماعي فيسبوك وكتب
الحكومة لقت الوقت مناسب قوي
الناس مبسوطه بزيارة ماكرون وجولته مع الرئيس مشغولين بحوارات زيزو رايح الأهلي ولا الزمالك
وده زعلان وده غضبان وده فرحان وده بيكيد وشوية مبسوطين بمحمد صلاح وتجديد عقده
فالناس ملهية في كذا حاجة وحاجة اخر السطا، اذا حان الوقت، ارفع البنزين والسولار!!
يبدو انهم بصوا على كل اللي فوق..وشروط الصندوق و..و..و..بس نسيوا حاجة واحدة بس..هي الأهم..بس يبدو مش بالنسبة للحكومة:
وسأل رامي رضوان متابعين وكتب ” سؤال بجد: الناس هتعمل ايه..هتجيب منين؟ ده سؤال فيه أفورة وتضخيم؟
تعالوا نعمل مقارنة بسيطة بربع جنيه (من بتاع٢٠٢٥) حسبة، على سبيل المثال لا الحصر يعني، أتمنى تكون الحكومة واخده بالها منها و من اللي زيها يعني:
٢٠١٤ سعر بنزين ٨٠ كان ٩٠ قرش
٢٠٢٥ سعره أصبح ١٥،٥٧
أي نسبة زيادة ١٧٥٠٪
رقم مش طبيعي!!، يخض!!
بس ثواني..يمكن قصاده الحد الأدنى للأجور وزيادته ظبط الكفة شوية؟
٢٠١٤ الحد الأدني للأجور كان ١٢٠٠ جنية، ٢٠٢٥ أصبح ٧٠٠٠ جنية
بنسبة زيادة حوالي ٥٨٣ ٪، الفرق واضح؟ الفرق ١١٦٧٪
طب ده منطقي؟ معقول؟ محسوب؟ مقصود؟
يبقى “الناس هتعمل ايه و هتجيب منين؟ ” سؤال لا فيه أفورة ولا تضخيم.
ده أدنى وأقل وأدنى وأقل ما يمكن أن يقال وتكرارهم مقصود مش غلطة!
يا حكومة الناس “هتحلي بقها” امتى طيب؟!
رفقا، رفقا، رفقا
واختتمت حديثها رامي وكتب “والله انا لا عايز أهاجم حد ولا أسخن حد ولا غرضي أي حاجة غير الخير لبلدي وأهل بلدي
وأظن ان كل اللي يعرفني وكان بيشوف برامجي على مدار ١٨ سنة فاتت، ماشفش مني غير المبدأ ده فقط”
وإنهالت التعليقات على ما نشره الإعلامي رامي رضوان و من كتب ” لا احنا اصلا جبنا اخرنا، الشعب غضبان فعلا ، حقيقي كدة كتير قوي “
