أحمد كامل: مقاطع الساحل ومش هغني في مكان فيه حد بيشرب خمور
![أحمد كامل: مقاطع الساحل ومش هغني في مكان فيه حد بيشرب خمور](/wp-content/uploads/2024/08/IMG-20240807-WA0183.jpg)
كشف المطرب أحمد كامل، عن خريطة حفلاته في صيف 2024، والمقرر ان تقام في اكثر من دولة عربية واجنبية، وسر رفضه للغناء في حفلات الساحل الشمالي.
وقال احمد كامل، خلال لقاءه مع الإعلامي هشام السيوفي في رؤيا مصر، “حاليا معنديش حفلات في مصر كل اللي بيتعرض عليا في الساحل وأنا مقاطع الساحل لأني مبشتغلش في أماكن فيها ناس بتشرب ومش هاخد فلوس من الحاجات دي.
وأضاف كامل، وكمان بيتعرض عليا اغني في ملهى ليلي وبرفض لأني مش هغني في مكان بيتربح من الخمور مش هصرف علي بيتي من الفلوس دي.
وتابع: أنا عارف إن في ناس هتطلع تقول طب ما الغنا حرام وكدا، لكن بالنسبالي دي قناعات وأنا مش هفتي في أمور الدين أنا أقل من كدا بكتير، وياريت لو حد ناوي يكلمني في حاجة زي دي ميكلمنيش أحسن لأني مش هرد.
ورد على سؤال هل ممكن تبتعد عن الغناء، قائلاً: ياريت والله ودايما بقول يارب لو في خير اديني خيره ولو في شر أبعدني عنه وممكن يجي عليا وقت واقول مش عايز اغني وده عشان أهم حاجة في الدنيا هو اللي خلق الدنيا.
واستكمل أحمد كامل حديثه عن الحفلات وقال: بستعد لحلفة في النمسا في شهر سبتمبر المقبل وعندي حفلة في الأردن والعراق.
https://www.facebook.com/share/v/8du8HBGQ61Qwe2QL/?mibextid=Le6z7H