اللي خانك .. بقلم : حماده العسكري
اللي خانك جاب مكانك حد تاني
كاس وداير بكره يشرب مر كاسك
مايستهلش تشغل بالك بيه ثواني
إرمي حبه ودوس عليه زي ماداسك
إمحي حبه من ماضيك وذكرياتك
إوعى تندم ولا تبكي ع اللي فاتك
لو كان فاكر إن بعده هتقف حياتك
إثبتله إنك بعده أحلى وعلي راسك
اللي خانك طبعه خاين
بس شاطر مكنش باين
شوق وعشره وحب هاين
اللي زيه ملوهش غالي
م البدايه تمثيليه
كنت فيها انت الضحيه
والنهايه دي العاديه
ليه هتعتب ع الليالي
ياللي مجروح من حبيبك
مش مصدق ليه يسيبك
غلطتك ذنبك وعيبك
كنت شايفه في قصر عالي
كان بيخدع وانت فينك
ماشي جنبه مغمي عينك
قوم وكمل الله يعينك
كله مجروح مين خالي
إمحي حبه من ماضيك وذكرياتك
إوعى تندم ولا تبكي ع اللي فاتك
لو كان فاكر إن بعده هتقف حياتك
إثبتله إنك بعده أحلى وعلي راسك
اللي خانك جاب مكانك حد تاني
كاس وداير بكره يشرب مر كاسك
