النجاح المُبكر يؤذي صاحبه.. أبرز تصريحات عمرو سلامة

كتبت / مادونا عادل عدلي

رد المخرج عمرو سلامة على رسالة تلقاها من شاب أخبره فيها أنه فقد الأمل في العمل لأنه حاول لكن دون جدوى رغم أن عمره 21 عامًا، ورد سلامة عليه بأن “النجاح المُبكر يؤذي صاحبه”.

وكتب سلامة، عبر حسابه الرسمي على موقع التواصل الاجتماعي “فيس بوك”: “استغربت قوي رسالة من حد باعتلي بيقولي: أنا عندي 21 سنة وبحاول بقالي كثير وبدأت أفقد الأمل، والرسايل دي بتتكرر كثير من شباب في أعمار شبه دي!”.

وتابع عمرو : “مين أقنع الجيل الجديد إنه لو ما نجحش وماتحققش قبل الـ 25 يبقى فشل؟ إيه في ثقافته خلى عليه الضغط البشع ده؟ مين زرع فيهم إن الكون بيجري وراهم وبيقيمهم كل يوم؟”.

وإستكمل: “الواحد عاش وشاف قدامه النجاح المبكر والنجاح المفاجئ أذوا ودمروا ناس أكثر بكثير من اللي نجحوا بالبطيء وتدريجيًا بمجهود أكبر، لأنهم حسوا نجاحهم مستحق وفهموا أسبابه وعرفوا يحافظوا عليه”.