شافوا الويل في سكتهم … بقلم: الشاعر الغنائي حماده العسكري
شافوا الويل في سكتهم
قالوا البعد نهايتهم
خادتهم الدنيا وديتهم
سنين مابين لقى وفراق
وعشان بيحبوا مشوها
نهاية السكة نسيوها
فـ لحظه الفرحه لقيوها
وده لما ربك شاء
ومين يفتي في علم الغيب
صحيح فعلا لقانا نصيب
لكن دايما بقاءنا قرار
مع التكرار نشالنا يصيب
يابخته اللي يلاقي له حبيب
ولا بيتوه ولا بيحتار
الحب بيعمل معجزات
بيقصر طول المسافات
بيقوي في عز الأزمات
بيحلي الأيام في العين
أوقات الفعل مش مضمون
مفيش عاشق مهش مجنون
لو الحب إتعمله قانون
يصبحوا العشاق مساجين
ومين يفتي في علم الغيب
صحيح فعلا لقانا نصيب
لكن دايما بقاءنا قرار
مع التكرار نشالنا يصيب
يابخته اللي يلاقيلوا حبيب
ولا بيتوه ولا بيحتار
