لميس الحديدي .. تعلق على أزمة “كهربا “محمد فضل”

لميس الحديدي: مش شايفة كهربا غلطان وكابتن فضل كان لازم يبقى أهدى لانه مسؤول

علقت الاعلامية لميس الحديدي على تتويج الاهلي على بطولة الدوري العام قائلة ” عاوزة أحيي النادي الاهلي وده خبر سعيد بالنسبة ليا وده شيء طبيعي بالنسبة للاهلاوية لكن دائماً بنقول إلى الامام ياهلي إفريقيا ياأهلي وإن شاء الله دائما نحتفل

أضاف عبر برنامجها ” كلمة أخيرة ” المذاع على شاشة ” ON” قائلة ” ساعات على فكرة بنتعرض لعثرات لكن دائماً كل واحد بيحب النادي بتاعه بيقف وراه حتى لو تعرض لعثرات بنقول معلش إغتلبت المرة دي مش مشكلة هقف معاك وتتعوض المرة الجاية “.

وتعليقاً على الجدل في أعقاب الخلاف الذي وقع بالامس بين كابتن كهربا ومحمد فضل ممثلاً للجنة الخماسية قالت ” الحكاية كبرت أوي كهربا كان شايل إبن مؤمن زكريا وزكريا كان بيشارك ودي كانت لفتة كويسة جداً من النادي الاهلي وبحي مؤمن زوجته … ناس كتيرة علقت على المشادة التي حدثت بينهما وده عيب جداً يحصل في حفل تتويج وناس قالت كهربا غلطان وانا الحقيقة مش شايفة كهربا غلطان لاني شايفاه جاي من بعيد واقف ومبسوط وأنا الصراحة كنت أتمنى من كابتن محمد فضل وهو يمثل إتحاد الكرة أن يكون صدره رحب بشكل أكبر

لجنة تنظيم

وتسائلت الحديدي ” هو كان فيه لجنة بتنظم وأنا مش واخدة بالي ؟ أنا سألت وقالولي لا لو كانت اللجنة مظبطة القواعد يمكن مكنش حصل ده ؟ كهربا كان جاي من عندة اللعيبة كان إيه لزمته التشابك بالايدي ؟

وانا أظن أنا محمد فضل رجل محترم مسؤول يمثل إتحاد الكرة كان لازم يبقى أهدي من كده إلا لو كان فيه خلاف قديم دي قصة تانية الصراحة كان لازم يكون كابتن فضل أهدى شوية لانك دائما لما بتكون مسؤول لازم تكون صدرك رحب وتعدي الامور لكن نمسك في بعض كده ؟! وانت برضه ياكهربا ماتبقاش حمقي اوي كده ؟ لكن أحيي النادي الاهلي وأظن ان الموضوع مش محتاج عقوبة .