هدي المفتي لـ منى الشاذلي.. “بطني وجعتني وجالي جلطة في الوريد”
كتبت/ مادونا عادل عدلي
كانت الفنانة هدى المفتي في استضافت الإعلامية منى الشاذلي في برنامج “معكم”، مساء أمس
وتحدثت هدى المفتي عن أعمالها الأخيرة في السينما في موسم أفلام عيد الأضحى بمشاركتها في 3 أفلام هي “كيرة والجن”، “بحبك” وعمهم”.
وتحدثت الفنانة عن تفاصيل الأزمة الصحية التي تعرضت لها، قائلة: “رجعت من الجونة بكورونا، وكانت لسه الكورونا في الأول وكنت من أول الناس اللى يجيلها في مصر ماكنتش عارفة إيه اللى يحصل.
وتابعت هدي المفتي: “طبعا مخدتش أدوية سيولة لما جاتلى الكورونا فجالى جلطة في الوريد اللى بيوصل الدم للأمعاء ومعرفتش، هو بس كنت بحس بأعراض معينة وبحس بحرقان غريب، وكنت فاكرة في حاجة في القلب عندى وعملت رسم قلب بس مطلعش في حاجة”.
وأضافت هدى المفتي: “فى رأس السنة سافرت أنا وصديقتى لأسوان وفجأة تعبت تعب مش طبيعى وجع مؤلم، ورجعت القاهرة بطيارة بسرعة، واتبهدلت ولولا صحبتى كان حصلى حاجة وهى كانت بتساعدنى في كل حاجة”.
واستكملت هدى المفتي: “دخلت المستشفى في القاهرة والدكاترة مش عارفين أنا عندى إيه وعملت أشعة وكل حاجة ومش عارفين وبطنى بتتنفح ووجع وألم غير طبيعي، وقرروا يفتحوا بطنى ولما فتحوا طلع عندي جلطة في الوريد اللى بيوصل الدم للأمعاء، وبسبب إنه متعالجش عمل غرغرينة في جزء من الأمعاء
فقررا يستأصلوا الجزء ده، وكانت عملية كبيرة وفضلت فترة طويلة في العناية المركزة أكتر من شهر ومنعوا عنى الأكل والماء”.
