الفنانة عنبر: بحب فانوس رمضان ولازم جوزي يجبهولي
إعداد وحوار/ نهى مرسي
الفنانة عنبر ممثلة مصرية، أشتركت في العديد من الأعمال وقامت بعدة أدوار مختلفة تركت بصمة قوية وتعلق بها الجمهور لأتقانها في العمل وأحترافها في التمثيل ، عملت مع كبار النجوم منهم الفنان عادل أمام والفنان أحمد زكي والفنان محمد صبحي، درست النجمة عنبر علم النفس بكلية الآداب ثم إنتقلت لدراسة القانون بكلية الحقوق جامعة القاهرة، حيث كانت بدايتها مع التمثيل من خلال مسرح الجامعة، حيث شاركت في العديد من المسرحيات، قبل أن تشارك عام 1996 في مسلسل (سر الأرض)، ثم شاركت في العام التالي بمسلسل (حكايات مجنونة) وفيلم (صمت الخرفان)، توالت بعدها أعمالها مابين السينما والمسرح والتلفزيون، من أبرز أعمالها أنا وهؤلاء، السندريلا، حاحا وتفاحة، عفاريت عدلي علام، شطرنج، عفاريت محرز، مملكة الجبل، في إيد أمينة، والعديد من الأعمال الأخرى.
الفَنانة الجميلة عنبر ما هي الطقوس الرمضانية المعتادة لحضرتك ؟
بالنسبة للطقوس الرمضانية المعتادة. ان انا فعلا قبل شهر رمضان بكون عاملة شبه الاطفال بحب فانوس رمضان جدا يعني جوزي لازم يجبلي فانوس رمضان بكلم كل اصحابي وكل اهلي وكل حبايبي حتي الناس اللي مسمعتش صوتهم بقالي كتير لازم اكلمهم ولازم اقولهم كل سنة وأنتم طيبين. ورمضان كريم. بحب ازين بيتي جدا بالفوانيس وبالنور الليد وبالجو الرمضاني دا بالمفارش الرمضانية انا بحب اعمل كده جو بحس ان رمضان دا هو شهر في السنه فلازم نستمتع فيه بكل ما فيه دي اول الحاجات اللي بعملها في الطقوس الرمضانية
اكلم كل الناس ازين البيت والفوانيس والحالة الجميلة دي حتي لو انتي مخاصمة حد بتصليحه، لان شهر رمضان دا شهر الرحمة الترابط وشهر المحبة وشهر المودة وشهر العبادة وحالة وحاجة بنستناها من السنة للسنة والمفروض الحاجات دي تبقي في حياتنا طول السنة بالنسبة للطقوس الرمضانية دي اساسي انا بعمله هو شهر جميل انا بحبه جدا. وبحب أن طول السنه تكون رمضان مش شهر واحد في أول الطقوس اللي انا بعمله العبادة طبعا والصلاة والالتزام بقراءة القرآن. والحاجات دي أساسية جدا جدا جدا في حاجات كدا مهمة جدا في شهر رمضان لازم نعملها
وبحب اقول لكل متابعين الحوار كل سنه وانتم طيبين رمضان الخير والمحبة على كل امة محمد وعلي كل المسلمين أجمعين وربنا يعيده علينا بالخير والبركات يارب
بتحبي تشاهدي ايه في التليفزيون في شهر رمضان؟
بالنسبة أن أنا بحب اتفرج على التلفزيون أكيد طبعا أنا السنة دي للأسف منفعش أكون في شهر رمضان مش بشتغل بقالي فترة فبتابع زمايلي وبشوف إيه الأعمال الجديدة أكيد في أعمال بتشدني طبعا أعمال كتير أعمال بتشدك وأعمال بتحبي تتفرجي عليها أنا كتير باخدها حالة سريعة في الفرجة في الأخر بختار ثلاث أربع أو خمس أعمال بحس أنهم شدوني من أول حلقة بتفرج عليهم لكن في طبعا في حاجات مينفعش تشوفيها مواعيد مختلفة ومواعيد مع بعض لكن أنا في نجوم بحبها وفي زمايل بقول لهم الف مبروك منورين شاشة رمضان وربنا يوفق الجميع ويرزقنا بالخير فرحانة لناس كتير جدا جدا في شهر رمضان. لكن أكيد بتابع التليفزيون في الأوقات الي ينفع اتابع فيها لكن في أوقات بتكون للعبادة.
بتحبي يكون مين معاك على سفرة رمضان؟
بحب يكون معايه علي سفرة رمضان مين طبعا أكيد رقم واحد جوزى أكيد ده الشخص اللي معايا عل طول فلازم نكون مع بعض وبنحب نفطر مع بعض لكن اكيد في شهر رمضان بتعزم عن اهلي عند حابيبي في أصحاب ليه متعودين دول مش من المهنة اصحاب العمر اصحاب الزمن الجميل من زمان جدا جدا من 15 أو 20 سنة و10 سنين
متعودين حتي في ناس من الوسط احنا اصحاب ممثلات زميلي من زمان بنحب دايما نتجمع في رمضان فلازم اعزمهم عندي او انا اتعزم عندهم فده اساسي في رمضان ان احنا ناس من السنة لسنة رمضان لازم نروح نفطر مع بعض سواء عندي او عندهم طبعا دي حاجه جميله اللمه الحلوة والصحبة الحلوة.
ما الذي يميز رمضان بالنسبة للفنانة عنبر ؟
إلى بيمز رمضان بالنسبة ليه هو يعني زي ما قولتلك اللمه الحلوه الرحمة لو مخاصمة حد مينفعش يجي شهر رمضان إلا لما أكون مصلحاه حتى لو غلط في حقي بكلمة واقوله كل سنة وأنت طيب أو ابعت معايدة وده على فكرة مش عيب وربنا هو رب الرحمة رب التسامح فأنا من الناس المتسامحة جدا والناس إلى مبحبش أكون زعلانه من حد.
إلى بيميز رمضان كمان التقوس إحنا بنعبد ربنا في 24ساعه في كل يوم وطول السنة وفي كل وقت بتحسي عارفه لما تكوني ملتزمة أوي بحس أن الشهر ده شهر للالتزام عاوزه اخلص القرآن واشوف أنا خلصت كام جزء عاوزه أصلي التراويح وأصلي الصلاة في وقتها بحس إنك عندك رهبة وخايفة من حاجه فلازم تلتزمي بيها وإحنا بنعمل ده طول السنه.بس في شهر رمضان بجد بجد الاحساس بيكون مختلف اوي اوي بحس براحة نفسية بحس بحالة حلوه مش عاوزه شهر رمضان يخلص عاوزه يفضل عل طول فشهر رمضان شهر جميل ياريت السنه كلها تبقي شهر رمضان
لديك شخص عزيز مفتقداه في رمضان؟
اكتر حاجة طبعا مفتقدها في رمضان او اكتر شخص تفتقده في رمضان وفي حياتي عموما كلها ومش حاسه رغم ان بعمل كل الحاجات دي جوايا حزن كبير جدا وجوايا حالة مش بتتنسي هي فقداني لامي رحمة الله عليها ماما كانت كل حاجه في حياتي الله يرحمها ويتغمدها بواسع رحمته وينور قبرها ويجعلها كده من الصديقين والشهداء لأنها تعبت اوي اوي ربنا يجعل مل المها ومرضها في ميزان حسناتها ماما كانت كل حاجه حلوه.
وكان رمضان معاها مختلف اكيد وكانت اللمة معاها مختلفة في كل حاجه فدي اكتر حاجه فما بتيجي أول فطار من كل سنة من شهر رمضان بيصعب عليا اوي وبفتكرها في كل حاجه كانت بتعملها فى رمضان.هي كانت أحلى حاجة فى الدنيا بس طبعا هي متغلاش على الي خلقها وهي تعبت كتير ربنا يرحمها بواسع رحمته ويسكنها فسيح جناته يارب هي وكل امتنا جميعاً فهي اكتر حاجه امي دي المفتقداها في رمضان وغير رمضان وفي حياتي كلها لان هي كانت اجمل واحلى شئ في حياتي فربنا يمكن يكرمني وبيرزقني علشانها وحاجات كتير أوي أوي مهما اتكلم لو اعد من هنا لسنة قدام عن امي مش هيكفيها حقها.
هنشوف لك ايه هذا الشهر الكريم ؟
لا للأسف انا مش موجودة على شاشة رمضان السنة دي أو بقالي تقريباً ثلاث سنين يعني مش ظاهرة أو ما فيش حاجة ما حصلش نصيب.. ساعات بيتعرض حاجات ما بتبقاش يعني إلى حد ما مناسبة بس السنة دي ما اتعرضتش حاجة عليا عشان ابقى صريحة.. وراضية الحمد لله لإنه أنا واثقة إن الرزق ده من عند الله مش من اي حد.. ورزقكم في السماء وما توعدون .. وأنا راضية باللي ربنا قسمه لي وعارفة و متاكدة وثقتي في ربنا كبيره جدا ان شاء الله هيعوض صبري ده حاجه حلوه أوي أوي أوي أوي أوي وهي فرحانة للجميع ومبزعلش لانه ده شيء مقدر ومكتوب ولازم نرضى بيه
تفضلي مشاهدة الأعمال الدرامية ولا التاريخية ؟
الأعمال التاريخية دي حاجة كده عبق التاريخ وتاريخنا وحاجات كتيرة أوي ممكن تكون فيها معلومات احنا منعرفهاش .. فلما بنتفرج على عمل تاريخي بنوصل لمعلومات ولحاجات كتيرة جدا نكون إحنا مفتقدينها ومش عارفينها فأكيد بحب أتفرج على ده وده .. بس الأهم العمل اللي أحس إنه يشدني فبقعد أتابعه ،لكن لو حاجة مشدتنيش في الأول للأسف مبتفرجش عليها
ماهي طقوسك الرمضانية في الخروجات؟
أنا متعودة من زمان أوي من وأنا حتى صغيرة إني لو خرجت أو اتعزمت في شهر رمضان في أي مكان أنا متعودة على فكرة إن انا لازم ألبس حاجة طويلة وألبس طرحة ده من وأنا صغيرة على فكرة مش دلوقتي .. ده بحس إن هو إحتراما للشهر الفضيل وإحتراما لذاتك وإحترام لحاجات كتيرة جدا جدا جدا .. هو شهر كده ليه حالة خاصة فلازم تعمليها على أتم وجه وأنا بحب الحالة دي جدا.. عندي عبايات بشكل معين كده بتاعتي يعني يمكن مبستغلهاش طول السنة أد ما بحب أخرج بيها في رمضان مع الطرحة بحس إن هو جو كده جميل وانتي بتطلعي بشكل جميل
وفي نهاية الحوار قالت الفنانة عنبر:
ينعاد علينا دايما بالخير كل سنة لا فاقدين ولا مفقودين .. وربنا قادر بحق هذا الشهر الكريم يرفع عنا البلاء والوباء بحق لا إله إلا الله محمد رسول الله .. ويجعله شهر الخير كده ونخلص من لعنة كورونا.. والله يرحم كل اللي فقدناهم ويصبر قلب كل أم وكل حد فقد حد بسبب المرض ده يعني يبرد قلبه على أد حبه ليه ويرحمه ويجعله من الشهداء بإذن الله
