دياب… الأستاذ محمد الحلو أعظم مطرب بالنسبالي
كتبت: ثريا الصاوي
ظهر المطرب دياب مع الإعلامي عمرو أديب في برنامج الحكاية المذاع على قناة MBC مصر وقال بعض التصريحات الهامة.
ذكر المطرب والفنان دياب، إن المطرب الشعبي يتطلب أن يكون صوته جميلاً، أما مغني المهرجانات لا يتطلب ذلك مطلقاً، متابعاً: “المغني الشعبي لازم صوته يملأ كل حواسك، أما اللى بيغني مهرجانات مش لازم تكون ودنه كويسة، ولكن تكون كويسة إيقاعيا فقط”.
وأضاف دياب: ” 70% من أغاني المهرجانات عدوانية ونرجسية”.
و قال عن أزمته مع المنتج نصر محروس: “الوضع حالياً كويس جدا، وكتر خيره الأستاذ نصر محروس على مساحة التسامح والمحبة، وكان فيه عتاب أحبة، ولكن الحلو اللى بينا كتير”.
وتابع “بتعامل مع أي سكربت على إنه كتاب الوزارة، وبحب استمتع بيه واتبسط بكلامه، وأدخل أسمع كلام المخرج وأشوف وجهة نظرة وأبدأ الشغل”.
وأكمل: “اعتذرت 5 سنين عن التمثيل رغم الأعمال اللي كانت بتجيلي، عشان مش عايز أزاحم الناس في أكل عيشها، ولما دخلت ورشة التمثيل انطلقت، وأول ما دخلت التمثيل كان مع الفنان القدير أحمد فؤاد سليم”، متابعًا حديثه: “أنا أعشق الأستاذ محمد الحلو، وكان بالنسبالى أعظم مطرب”.
وأشار إلى أهمية قرار نقابة المهن الموسيقية، بمنع استعانة الفنانين بـ”فلاشة” في أي حفل غنائي، قائلاً: “قرار عظيم علشان حرام الموسيقيين قاعدين في البيت مش بيشتغلوا، ولازم الناس تاكل عيش، والفلاشة بتخلي أحد حد يغني، واللى بيقول بيقول أي حاجة والناس بتسمع بوسطها ومش مهم اللي بيتقال، ومحدش بيقول حاجة والناس بتحرك شفايفها وبس”.
وأكمل: “أكتر لحن عجبني في الفترة اللى فاتت أغنية رامي صبري اسمها خاصمت الشوارع، والموال في مصر اندثر ولكن في الأفراح الشعبية موجود”.
من جانبه، قال المنتج وليد منصور، في مداخلة هاتفية لبرنامج “الحكاية”، إن الفنان والمطرب دياب عليه أن يركز في التمثيل بشكل أكبر من الغناء، رغم صوته الرائع، مردفا: “هنشوف أكتر من 12 أغنية في الفترة الجاية، ودياب اتخطف الفترة اللى فاتت في السينما بسبب نجاحه الكبير”.
