راندا البحيري تدعم رنا سماحة بفيديو جديد
كتبت / مادونا عادل عدلي
تعرف الفنانة راندا البحيري بدعمها لزملاء العمل والأصدقاء من خلال منشورات عبر مواقع التواصل الاجتماعي
ونشرت الفنانة راندا البحيري صورة من حفل للفنانة رنا سماحة عبر موقع التواصل الإجتماعي فيسبوك وكتبت
“ياختشي وأوبا من القمر الحقيقيه، رنا سماحة”
وأعجب الكثير بما نشرته الفنانة راندا البحيري وإنهالت التعليقات إعجابا بصوت رنا سماحة
يذكر أن ظهرت الفنانة راندا البحيري منذ شهر مع الإعلامية ريهام سعيد وتحدثت عن توقفها عن الأعمال وأشارت بأن هذا بسبب شخص ما يعاديها في الفن
حيث أشارت راندا البحيري، أن هناك شخص يقف وراء عدم ظهورها في أعمال فنية
وقالت راندا «شخص من 13 سنه و هو بيحاول يقف في رزقي و أكل عيشي.. اتصل بمخرجين مصر كلهم اللي اشتغلت معاهم بالذات و أي مسلسل أو فيلم باجي اشتغل فيه بيقف في طريقي فيه و بيتصل بالمخرج أو الإنتاج و قسماً بالله العظيم و حياة الأيام المفترجه دي عمل كده عشرات المرات و منهم مرات قدامي انا شخصياً كنت بكون موجوده و بعمل بروفه لمسلسل ما والاقيه بيتصل بالكاست و أنا قاعده معاهم و بسمع المكالمه كامله»
وأضافت راندا: «مش عايزني يبقي ليا ظهور و لا عايزني اكمل شغل ده حتي لما جيت اشتغل شغلانه تانيه و اعمل بيزنس خالص بيا وقفلي فيه و حاول يخرجني منه و يدخل هو شريك بدالي و ماشي في كل حته يتباهي بشغله القديم و فاكر ان الناس هتخاف منه».
وتابعت راندا البحيري: «و للاسف فيه فعلا ناس كبرت دماغها مع أن هو ميقدرش يعمل حاجه و كله كلام علي الفاضي. انما بالفعل قعدت من شغل كتير اوي و في عز الوقت اللي كنت فيه اقدر اشتغل انا فلتت ب مسلسل سلسال الدم و مسلسل حالة عشق و حاجات تانيه بسيطه في خلال الـ ١٣ سنه دول علشان مكانش عارف يشيلني منهم و قسما بالله العظيم حاول و التليفونات كانت بتبقي قدامي بس معرفش و اتجنن أما اشتغلت في 2016 و كان عايز يعمل فيا أي حاجه.. أنا على قد منا اكيد كارهه الشخص اللي واقف في رزقي و حاول يضايقني كده.. على قد منا متضايقه اكتر من اللي ساعدوه، والشركات المصريه الكبيره أوي اللي فيها ناس صغيرين أوي سمعوا كلامه».
