روحوله ياناس … بقلم الشاعر الغنائي: حمادة العسكري
روحوله ياناس قولوله خلاص
انا اتعلمت في غيابه
دروس نارها بتكويني
قولوله بموت ايام بتفوت
وأنا واقف على بابه
بشوق والدمع مالي عيني
ومهما غيابه هيطول
هحبه أكتر من الأول
لا لحظه همل ولا هيأس
ولا شوقي في يوم ينقص
ومستنيه تاني يجيني
واحشني كل حاجه منه
هعيش عمري اقول عنه
حبيب قلبي ومفيش بعده
قولوله يفتكر وعده
ويحن لقلبي وسنيني
********
روحوله ياناس قولوله بلاش
يسيب قلبي في نار وعذاب
تعبت بجد محتاج ليه
في نار جوايا مابتهداش
قولوله يعود كفايه غياب
انا مقدرش اعيش بعديه
ومهما يعاند او يقسى
هحن لحبه مش هنسى
وقلبي في كل أوقاته
ينادي عليه بدقاته
انا عايزه وباقي عليه
قولوله يفتكر ليا
حاجه حبها فيا
وامانه عليكوا تحكوله
توهة قلبي وسهر ليله
مش عايز اعيش غير بيه
