عيد ميلاده النهارده .. بقلم : حماده العسكري
عيد ميلاده النهارده
أنا جايبه أحلى ورده
وهروح نفس المكان
في المكان ده لينا ذكرى
مش هنسى ثانيه فاكره
كل اللي عدى وكان
وقفت قصاد مرايتي
أتزوق بالساعات
كأني رايحه أقابله
زي العيد اللي فات
هيفضل فيا عايش
مين قال حبيبي مات
مشيت جوايا لهفه
من كتر الفرحه خايفه
عقارب الوقت واقفه
أنا عايشه بعده ليه
فراقه عليا قاسي
ده حبيبي وكل ناسي
على نفس الكراسي
قاعده بفكر فيه
حاسه بالشوق في قلبي
كأنه لسه جنبي
ماغبش عني يوم
من كتر الراحه فيا
ساعات عدت عليا
قاعده مش عايزه أقوم
يادنيا دايما بتاخدي
اللي إتعلقنا بيه
والحلو اللي في قلوبنا
بالمر تبدليه
يارب إرحم عذابي
في الجنه إجمعني بيه
مشيت جوايا لهفه
من كتر الفرحه خايفه
عقارب الوقت واقفه
أنا عايشه بعده ليه
فراقه عليا قاسي
ده حبيبي وكل ناسي
على نفس الكراسي
قاعده بفكر فيه
