الشعر والأدب

حمادة العسكري يكتب: مش كل فراق اخره النسيان

حمادة العسكري يكتب: مش كل فراق اخره النسيان

حمادة العسكري يكتب: مش كل فراق اخره النسيان
صورة أرشيفية

في عز الليل قايم ملهوف
هتجن وأشوف نظرة عينك
كان حلم جميل وخسارة صحيت
من شوقى بكيت ياحبيبي فينك

إرجعلى ياريت معقولة نسيت
كل اللي كان بينى وبينك
مش كل فراق أخره النسيان
إحساسي في حبك زي ماكان
بتنام العين والشوق ماينام
في القلب حنين لليالي زمان

آه لو تسمع تنهيدي
وتشوف عينيك رعشة إيدي
في لمسة صورك ياحبيبي
من شوقي بكون أضعف إنسان

في عز الليل بفكر فيك
بنادى عليك يااحلى ملاك
وطول الليل رايح جاي
علمنى إزاى حبيبي أنساك

إرجعلى ياريت معقولة نسيت
أيام وسنين عيشتها وياك
مش كل فراق أخره النسيان

إحساسي في حبك زي ماكان
بتنام العين والشوق ماينام
في القلب حنين لليالي زمان
آه لو تسمع تنهيدي
وتشوف عينيك رعشة إيدي

في لمسة صورك ياحبيبي
من شوقي بكون أضعف إنسان

زر الذهاب إلى الأعلى