ماتلومش ع الدهر.. بقلم الشاعر: فهمي محمود حجازي
ما تلومش يوم ع الدهر
لو الخسيس هانك
لو كان للخسيس مهر
ما كان في يوم خانك
ولا زاد فى يوم الجرح
ولا زاد في ألامك
و ان مر عليه دهر
وشورتله بمالك
يرجع وحاني الظهر
مذلول على بابك
هو قليل الأصل
والأصل كان حالك
وكلمة يا بن الأصل
خليني أقولهالك
خليك كريم الخصل
ولا تغير في يوم حالك
واوعى لقليل الأصل
يجي على بالك
لوكان ده عنده أصل
كان من زمان صانك
