مش هقولك بعت ليه …… بقلم الشاعر الغنائي: حماده العسكري
مش هقولك بعت ليه
يلا شكرا بالسلامه
عشت أحبك قد إيه
خدت إيه غير الندامه
مش هعاتب يوم عليك
أو هقول جرحى بإيديك
بالمحبه هسيب عينيك
وف عيونى الإبتسامه
* * * * * * * * * *
مش هقلب في اللي فات
اللي باعنى في نظرى مات
يلا بره عن حياتى
سيبنى وإمشى من سكات
بالجراح إنت اللي بادى
روح وجرب دوق بعادى
الحياه هتمشى عادى
مش هتفرق عندى يامه
* * * * * * * * * * *
مش هقولك بعت ليه،
يلا شكرا بالسلامه
عشت أحبك قد إيه
خدت إيه غير الندامه
