هاني البحيري متأثرا بتدهور حالة محمد الصغير
كتبت: دعاء نصر
أدعي لمحمد أنا بقالي يومين مش قادر أتمالك.. بهذه الكلمات بدأ مصمم الأزياء المصري العالمي هاني البحيري حديثه مع عالم النجوم، قائلا:
ادعي لمحمد محمد عيان اوي اوي اوي اوي اوي، محمد عيان علي جهاز التنفس الصناعي تاني ادعي له الحالة تدهورت جامد، أنا بقالي يومين مش قادر أتمالك انا أيديا تلج وحالتي حالة، محمد لسه علي جهاز التنفس وربنا يستر ان شاء الله، أدعي لي انا، علشان انا بحبه جدا الراجل ده حتة من قلبي
الراجل ده وقف جانبي وانا لسه بقول يا هادي وراجل جدع وجميل جميل جدا وجدع. يمكن هو أغلي عندي حتي من أقرب الاقربين، الراجل ده مفيش زيه.
سيطرت حالة من الصمت نتيجة الحزن الشديد علي البحيري ولم يستطع أستكمال حديثه.
ويذكر ان منذ أسبوعين تم نقل مصفف الشعر وخبير التجميل المصري العالمي محمد الصغير إلى العناية المركزة في أحد المستشفيات بمدينة السادس من أكتوبر إثر اصابته ب فيروس كورونا.
وكان يعاني الصغير من صعوبة في التنفس مما استدعى الى نقله لوحدة العناية المركزة. ويباشر فريق طبي متخصص متابعة الحالة بدقة، إلى ان تدهورت الحالة.
