ملك أحمد زاهر تكشف عن تعرضها لأزمة صحية: “بحاول أهرب من الناس.. ومحتاجة دعواتكم”
كتبت: دنيا أحمد
كشفت الفنانة الشابة ملك أحمد زاهر عن مرورها بوعكة صحية ونفسية مفاجئة، عبر خاصية “الاستوري” على حسابها الرسمي بموقع “إنستغرام”، مؤكدة أن هذه المرحلة الصعبة دفعتها لكسر عادتها بعدم مشاركة تفاصيل حياتها الشخصية.
وكتبت ملك في رسالتها المؤثرة:
“عمري ما كنت بنزل غير الحاجات اللذيذة أو الهزار أو أي حاجة إيجابية، ولو نزلت حاجة سلبية كانت دايمًا وراها هدف، وغالبًا باخدها بهزار.. لكن المرة دي مختلفة”.
وأضافت:
“بقالي أيام مش كويسة، وحياتي مش وردية، فيها الحلو والوحش، بس حسيت مؤخرًا إن الدنيا كلها ماشية غريبة ومقفولة، وكلها ضغط نفسي كبير. وده خلاني حاسة إني مش قادرة أستحمل زي زمان، وبقيت بحاول أهرب من الناس والمواقف”.
وأكدت ملك أنها لا تبحث عن الشفقة أو العطف، بل أرادت فقط أن تكون صادقة مع جمهورها، وأن توصل رسالة دعم لمن يشعرون بمثل حالتها، قائلة:
“أنا مش بكتب الكلام ده علشان تحسوا إني ضعيفة، لأني الحمد لله كويسة، وإن شاء الله اللي عندي مجرد دور وهيروح.. لكن حبيت أقول إن اللي بيحس كده مش لوحده، في ناس بتحس كده وبتعدي”.
وختمت حديثها بنداء إلى متابعيها، طالبة منهم الدعاء:
“أنا محتاجة دعواتكم من القلب”.
وقد لاقت كلمات ملك تفاعلًا واسعًا من محبيها، الذين حرصوا على دعمها برسائل إيجابية ودعوات بالشفاء والتجاوز.
