أبو المجد يتفنن في محاكاة مسجد بأعواد الكبريت
حوار: أحمد الدخاخني
محمد حسين أبو المجد, شاب أكتشف موهبته في تصميم مجسمات من مدة ليست ببعيدة وذلك من خلال مهنته كفني سقالات, فعمل على تصميم المسجد الكبير الذي يقرب منطقته في عزبة النخل بالقاهرة, ونجح في تصميم المجسم ب8 آلاف قطعة من أعواد الكبريت والخشب وخلة الأسنان وعصا شيش طاووق وعصا أيس كريم ولم يكن متوقعاً بهذه النتيجة أن ينال إعجاب الكثيرين من حوله, ورغم أنه لم يصمم مجسماً أخر لأنه أكتشف موهبته مؤخراً لكنه لا ينوي التوقف ويسعى نحو أحلامه حتى يكون له معرض خاص لمجسماته.
في حوار خاص تواصلت ” عالم النجوم” مع محمد أبو المجد للحديث عن موهبته والوقت الذي أستغرقه في تصميم مجسم المسجد الكبير بمنطقته وعن أحلامه التي يسعى لتحقيقها, كما يلي:
في البداية عرفنا بنفسك ؟
محمد حسين أبو المجد معايا دبلوم تجارة, أنا من القاهرة منطقة إسمها عزبة النخل.
متى اكتشفت موهبتك في التصميم ؟
من حوالى سنتين ونص.
كيف وصلت لفكرة التصميم بأعواد الكبريت والخشب؟
الفكرة جاتلى عن طريق الشغل بتاعى وأنا شغال فنى سقالات, عملت أول حاجة مجسم لسقالة وبعد ما خلصتها لقيت النتيجة حلوة وفكرت بعدها أعمل مجسم يكون موجود على الطبيعة إللى هو مجسم المسجد الكبير بعزبة النخل, والمسجد ده موجود عندنا جنب البيت وروحت للمسجد فعلاً وابتديت أصور المسجد من جميع الإتجاهات وبعد كدة ابتديت اشتغل على الصور اللى أنا مصورها وبصراحة ماكنتش متوقع النتيجة النهائية دى.
ما هي الصعوبات التي كانت تواجهك أثناء تصميم مجسم المسجد ؟
الصعوبات إللى واجهتنى كانت فى المئذنة والحاجات إللى فيها دورانات, والشبابيك علشان صغيرين جداً.
كم من الوقت استغرقت في تصميم مجسم المسجد ؟
المسجد خد وقت حوالى ١٣ شهر هي الفترة كبيرة شوية علشان أول مرة أعمل حاجة زى كده, وعدد القطع المستخدمة حوالى ٨ آلاف قطعة متنوعة من خلة أسنان وأعواد كبريت خشب وعصاية شيش طاووق وعصاية ايس كريم ومسدس شمع, وعدد ساعات العمل حوالى ٤ ساعات في اليوم.
هل هناك تصميمات أخرى غير المسجد ؟
للأسف لا علشان أنا اكتشفت الموهبة دى متاخر ومجسم المسجد دة كان أول مجسم أعمله دة طبعا غير مجسم السقالة.
من هو أكثر الناس تشجيعاً لك في حياتك ؟
اختى الكبيرة وزوجتى.
ما هي أحلامك الكبيرة التي تسعى لتحقيقها ؟
نفسى أعمل مجسمات لجميع الأماكن الأثرية والتاريخية اللي فى البلد وأتمنى أعمل مجسمات للسينما المصرية , وأتمنى أفتح معرض لعرض المجسمات.
