- كل العناصر لازم تتجمع وتحسن من نفسها لنصل إلى فن راقي وهادف.
- أحمد رفعت أبحث عن تقديم الأدوار الصعبة وسعيد بتقديم رشدي أباظة في السندريلا وكاريوكا
أحمد رفعت أبحث عن تقديم الأدوار الصعبة وسعيد بتقديم رشدي أباظة في السندريلا وكاريوكا
إعداد / دعاء نصر & حوار /دعاء سنبل
أحمد رفعت فنان موهوب بالفطرة من الشخصيات التي برزت على الساحة الفنية في الفترة الحالية لموهبته وثقتهفي نفسه جعلته في المقدمة، متنوع وجرئ في اختيار أدواره، يبحث عن الشخصية الصعبة ليخرج فيها جزء من إبداعه.
فهو حقاً فنان مبدع في أي شخصية يؤديها، وثبت وجوده بإجتهاده وسعي وراء النجاح وليس الإنتشار فحسب مثل معظم جيله.
درس في كلية التجارة قسم محاسبة جامعة الزقازيق وكانت هوايته التمثيل حيث قام بتمثيل أكثر من 12 مسرحية ،وحصل على جائزة ممثل أول جامعات مصر ،وكانت بدايته من خلال “خيانة
ثم” الإمام الترمذي”، و شارك بعد ذلك في العديد من الأعمال المميزة واليوم يفتح لنا قلبه ليتحدث عن بدايته وأعماله ونجاحاته.
بدايتك كانت بالتمثيل من خلال معهد الجامعة.. أحمد رفعت دارس تجارة لية مفكرتش تدرس التمثيل بدل من التجارة رغم موهبتك المتميزة؟
بداية عهدي بالتمثيل من مسرح الكلية.. وانا كنت جامعة الزقازيق ومفيش عندنا معاهد تمثيل، ومش منطقي طبعا اسيب دراستي واروح أقيم في القاهرة
تقدري تقولي كنت أكتشف موهبتي واصقلها والحمدلله حصل
تفتكر أول عمل قدمته شاركت فيه كان عندك كام سنة ودورك كان أيه؟
في بدايتي اشتغلت في عملين مره واحده الإمام الترمذي ومسلسل خيانه
قدمت أدوار كتير وكنت من المحظوظين لانك وقفت قدام عملاق زى العالمي عمر الشريف.. كلمينا عن تجربتك في حنان وحنين؟ ومين النحم اللي تتمنى تشارك معاه ولم يحالفك الحظ لسه؟
لسه مشتغلتش مع الزعيم وأكيد أتمنى أشتغل معاه ، وحنان وحنين كان فرصه و ذكرى عظيمة اني اشتغل مع الرمز الفذ الراحل الايقونه والعالمي عمر الشريف.
كلمنا عن دورك في السندريلا كنت قلقان أنك تعمل دور دنجوان السينما رشدي أباظة وأيه كان رد فعل جمهورك على الدور؟
مبخافش من أي دور انما بحترم اي دور يجيلي…. وطبعا كان فخر اني اعمل رشدي اباظه مش في السيندريلا بس لا وكاريوكا كمان.
مذهد للفنان أحمد رفعت من مسلسل نصيبي وقسمتك
نصيبي وقسمتك قدمت فيه أدوار هايلة في الثلاثة أجزاء .. شايف فكرة نصيبي وقسمتك لازم تتكرر وكانت فكرة صائبة من صناع العمل ولا مسلسل كامل أفضل؟
انا مع افكار نصيبي وقسمتك حيث قصه من خمس حلقات ودراما مشبعه تماما.
وانا سعيد جدا بمشاركتي بالثلاث أدوار في تلات قصص نظره في ابتسامة ثم اتفضلوا فى الصالون ثم مايطلبه المستمعون
مسلسلات رمضان 2020 ايه اكتر مسلسل شدك وتابعته ومين أكار مسلسل تقوله برافو كنت رائع؟
الفتوه اكثر عمل سعي لتجربة فنية متكاملة .. والاختيار خارج المقارنه واعجبني جدا لقاء الفنان محمود حميدة و خالد النبوي في لما كنا صغيرين.
الفن اليومين دول ايه اللى ناقصه علشان يكون زي زمان هادف من وجهة نظر أحمد رفعت منتج ولا مخرج ولا كاتب كويس؟
عنصر واحد مينفعش كل العناصر لازم تتجمع مع بعض وتحسن من نفسها لنصل إلى فن راقي وهادف.
أيهما أقرب لقلبك الدراما أم السينما أم المسرح ولماذا؟
الفيديو والسينما والمسرح كلهم فن المهم من يحترم الفن.
أيه الشخصية التي تتمنى تجسدها وحاسس أنك هتتقنها بجدارة؟
اتمني تقديم كل الأدوار الصعبة والمركبة. تحديدا
ايه الجديد اللي هتقدمه خلال الفترة القادمة ؟
حاليا لسه مفيش جديد.
تقول إيه لمحبينك بمناسبة عيد الأضحى؟
أحب اقول للناس كلها كل عام وانتم اطيب واحن واسعد يارب
