أحمد زاهر يدعم المخرج محمد سامي ضد حملة التشويه

كتبت : مايسة عبد الحميد

نشر الفنان أحمد زاهر عبر صفحته الشخصية الفيس بوك يعبر عن أعتراضه على حملة التشويه ضد المخرج محمد سامي ويعلن دعمه له قائلا: ” انا مش ضد قرار المتحدة. لأن إكيد ده له أسباب وفي سبيلها للحل إن شاء الله. أنا ضد حملة التشويه البشعة لسمعة وشخص محمد سامي اللي بيقوم بيها بعض الزملاء وبعض اللجان الأليكترونية.

أنا ضد تشويه سمعة اي حد مش بس محمد سامي الراجل ده أنا اعرفه من 11 سنة وأشتغلت معاه اكتر من خمس أعمال. ماشوفتش منه غير كل خير وأحترام وتقدير للموهبة وبقولها وهاقولها طول عمري محمد سامي هو اللي غير حياتي بعد إرادة ربنا سبحانه وتعالى. ولن انسى له هذا الفضل هو اللي خلاني خسيت 100 كيلو عشان تمسك بيا في مسلسل حكاية حياة. وده الدور اللي غير حياتي وتتوالى بعده كم نجاحات وكلها معاه وآخرها فتحي في البرنس. ودي كانت نقطة تحول تانية في حياتي….

تفتكروا اللي شفت منه كل الخير والأحترام والتقدير للموهبة والنجاح ده كله مكنش جنبه وأدعمه. أنا مفيش في أيدى حاجة أعملها غير أني أقول شهادة حق يعلمها الله سبحانه وتعالى. وعاوز بس افكركم ان محمد سامي هو نفس المخرج اللي سقفتوا له كل السنين اللي فاتت. # أدعم _المخرج_محمد_سامي.