أحمد عزت من عرض “استدعاء ولي الأمر”
كتبت: مادونا عادل عدلي
قام الفنان أحمد عزت بمشاركة جمهوره بصور من عرض مسرحية استدعاء ولي الأمر
حيث نشر الفنان عبر حسابه الشخصي على موقع التواصل الاجتماعي فيسبوك صور وعلق عليها قائلًا
امبارح كان ليا شرف حضور عرض مسرحي اسمه استدعاء ولي امر
استدعاء_ولي_أمر
بيتعرض في مركز الهناجر بدار الأوبرا
العرض من بطولة ممثلين في قمة الروعة
والحدوتة لازم كل بيت يشوفها بتعرفنا أد ايه احنا ممكن نقتل ناس نفسيا وهما عايشين من غير ما نقصد
اللي يهمني في الموضوع الحقيقة حاجتين
وتابع الفنان.. “زياد هاني كمال مخرج العرض واللي بالمناسبة عامل دور خالد ابن فضل الجارحي بمسلسل وسط البلد وهاني كمال الأب
زياد عامل نقلات وايقاع يخليك ماتحسش بأي ملل واوعدك ان اول مرة هاتبص لساعتك هاتكون بعد انتهاء العرض
أما أستاذ هاني كمال الفنان الأب
اللي يعتبر أحد ابطال الرواية من غير ما يمثل
مافوتش ولا ليلة عرض وبيشرف بنفسه على جلوس الجمهور في القاعة وبيرحب بكل الناس حاجة تفرح
واستكمل الفنان… “أد ايه الأب الداعم بيكون سند حقيقي وبيكون بمثابة قوة دفع لابنائه واللي بيختلف تماما عن الأب الموجود في العرض المسرحي واللي كان سبب رئيسي ان ابنه مستقبله يضيع
تحية للاستاذ هاني_كمال الفنان الاب
وتحية للأستاذ شادي_سرور مدير مركز الهناجر واللي وفر كل السبل علشان يطلع العظمة دي تسلم ايدك بجد
وتحية للمخرج زياد_هاني
والممثل الشاب المتميز أدهم_هاني الل بيثبت ان عنده مخزون عظيم
وتحية لكل ابطال العرض الهايلين
العرض بمركز الهناجر يوميا حتى ٦اكتوبر من الساعة ٩ م
عدا اليوم الاربع ويوم السبت القادم ١ اكتوبر
مسرحية استدعاء ولي أمر
