أحمد فلوكس والدي كان رافض دخولي للفن وكان عايزني أشتغل في البيزنس
أحمد فلوكس يصرح أنه يتمنى أن يرتبط بسيدة جميلة كانت زميلته في المدرسة، متابعا «أنا بحب اهزر مع الناس على السوشيال ميديا عشان كده قولت الكلام ده على حسابي.. ولكن الرجالة محتاجة فلوس كتير علشان يتجوزوا.. لأن الراجل بيعمل كل حاجة، وأكتر حاجة بتضايقني في الجواز كلمة «بنشتري راجل» لأن الجملة دي لو اتقالتلى هسيبها وهمشي.. جملة صعبة جدا».
فلوكس وسبب رفضه العمل مع السبكي مرة أخرى..
وأضاف خلال حواره ببرنامج شيخ الحارة ، أنه لن يعمل مرة أخرى مع السبكى لانه لا ينفذ اتفاقاته مؤكدا على حد قوله “مابيدفعش أصلا.. وباقيلي 20 ألف جنيه”.
وحول تقديمه لشخصية أنور وجدى فى مسلسل “أنا قلبى دليلى” الذى جسد فيه شخصية الفنان الراحل أنور وجدى ، قال إنه غير راض عن دوره لأنه لم يدرس الشخصية جيدا واعتمد على مشاهدة أفلامه فقط.
وحول سؤاله عن من هو نجم مصر حاليا، فقال فلوكس، “السقا مدرسة كلنا جرينا وراها .. أما عز لما اشتغلت معه فى الممر لقيته بيشتغل على نفسه بشكل مش طبيعى و بحترم كل الناس.
أحمد فلوكس “مدخلتش الفن عن طريق والدي بالعكس هو كان رافض”
وتابع فلوكس في برنامج «شيخ الحارة» على قناة القاهرة والناس مع إيناس الدغيدي: «مدخلتش الفن عن طريق والدي بالعكس هو كان رافض.. أنا دارس إعلام قسم تصوير.. وأبويا كان عايزني أشتغل في البيزنس.. وبالفعل أنا دلوقتي فاتح شركة.. لأن الفن مابقاش هو اللي تربينا عليه.. وأكبر دليل على كلامي، أني كنت بروح الجامعة بميكروباص.. يعني تعبت في البداية».
فلوكس .. «مكنتش عاوز أطلق هنا شيحة لأن هنا جميلة جدا و متتعوضش “
وأضاف: «مكنتش عاوز أطلق هنا شيحة لأن هنا جميلة جدا ومن الناس اللي قابلتهم مايتعوضوش.. كانت بتحبنى جدا و ست بمليون راجل لكن انا كراجل صعب.. صعيدي حتى لو مروحتش الصعيد طول عمري.. وعصبي جدا.. وفي نفس الوقت هنا ميتفرطش فيها بسهولة بس هي اللي طلبت، وطبيعي اللي هتطلبه هنا هعملهولها لغاية ما أموت».
وعن الفيديو الذي هاجم فيه الهارب معتز مطر، قال فلوكس: «عمري ما هدخل حزب.. لكن وقت هجومي على هذا الشخص.. أي بني آدم طبيعي هيهاجمه.. لأنه بيقول ادعاءات.. وكان من واجبي أقول الكلام ده.. أنا شفت عساكر وضباط وصف كلهم ناس بتسيب بيوتهم وبيروحوا معسكراتهم.. دول بيبنوا.. في الوقت اللي في ناس بتهد».
