أسماء جلال تعتذر لإحدى الفتيات: آسفة لو زعلتك فهمتك غلط

كشفت الفنانة أسماء جلال، عن تفاصيل موقف جمعها بإحدى الفتيات، حينما كانت تتناول العشاء في أحد المطاعم، وذلك عبر منشور بخاصية «الاستوري» بحسابها الرسمي بموقع الصور والفيديو «إنستجرام».

وقالت أسماء جلال، في المنشور :«امبارح كنت بتعشى في مكان ما وحصل موقف من بنت قاعدة بتتعشى وقالتلي كلام أنا فهمته غلط وكان رد فعلي مش ألذ حاجة ف يارب البنت إللي أنا كنت مش ألذ حاجة معاها تكون بتقرا الكلام ده لأني من إمبارح وأنا ضميري وجعني».

وأضافت: «وبفكر طول اليوم انهاردة إزاي ممكن أوصلك واعتذرلك أنا آسفة أنا فهمتك غلط، ولما فكرت عرفت إن نيتك كانت كويسة أنا اللي اتسرعت.. حقك عليا وآسفة لو زعلتك أنا بجد مكنتش أقصد يارب تشوفي الكلام ده».

يذكر أن اَخر أعمال الفنانة أسماء جلال، مسلسل «الهرشة السابعة»، الذي عرض رمضان الماضي 2023، وشاركها البطولة أمينة خليل، محمد شاهين، على قاسم،، عايدة رياض، محمد محمود، تأليف مريم نعوم، إخراج كريم الشناوي.