أنا إخترتك … بقلم: الشاعر فهمي محمود حجازى
أنا إخترتك
كتبت ع الجبين إسمك
ورسمت في الفؤاد صورتك
وجواه بالغرام شلتك
وبكل مافيا أنا عشقتك
وشوقي عملته شراع
وقلبي مركبة ف بحرك
وبري للغرام شطك
وكل منايا أوصلك
ونبني عشنا عندك
حيطانه قلبي أنا وقلبك
وسكنتِ فيه بالغرام وحدك
يامالكة القلب و الإحساس
وروحي وهبتها لحبك
ولو خيروني مابين روحي
وبين هجرك
ترد أنفاسي كلها بإسمك
ويصرخ قلبي من جواك
أنا ساكن هنا عندك
أنا عايش هنا بيكِ
وبعت الدنيا واخترتك
