عالم المرأة

الثقة بالنفس من كتاب مملكة الإتيكيت بقلم: هايدي سلامة

الثقة بالنفس من كتاب مملكة الإتيكيت بقلم: هايدي سلامة

الثقة بالنفس من كتاب مملكة الإتيكيت بقلم: هايدي سلامة
هايدى سلامة

الثقة بالنفس صفة ناس كتير جدًا بتتمنى لو تمتلكها في حياتها.. الثقة بالنفس بتيجي لما بترضى رضا تام عن تصرفاتك وأفعالك وسلوكك شكلك جسمك وتكون مؤمن بقدراتك ومواهبك وإنك قادر تنجح تحت أي ظروف.. علشان كده لازم تزود ثقتك في نفسك:

1- التفاؤل بالخير وتحفيز نفسك إنك تقدر تعمل كل حاجة بتوفيق من الله.

2- اتعلم من خبرات غيرك وازاي قدروا ينجحوا ويتجاوزوا الصعوبات.

3- واجه خوفك وأتحدى نفسك و اعمل اللي بتخاف تفعله ويكون صح.

4- ساعد غيرك لأنها تعزز شعور جواك بالأمتنان.

الثقة بالنفس محتاجة لمجهود كبير وإنك تشتغل على نفسك كتير، مفيش حاجة بتيجي بسهولة وطول ما أنت بتعافر علشان توصل لحاجة هتقدر توصلها بالثقة فى الله أولا ثم السلوك الجيد والعمل الجاد .

جزء كبير من شخصيتك بيتكون من أخطائك اللي بتقع فيها طول رحلة حياتك.. فمتزعلش لما تغلط أو تقع في مشكلة أو تتصدم في حد لأن الصعوبات والأخطاء هي اللي هتعلمك هي اللي هتخلي شخصيتك أفضل وهتحس بالتغيير لما تقع في نفس الموقف ولكنك قادر تتصرف فيها بحكمة عود نفسك إنك تشكر كل شخص كان صاحب فضل أو معروف عليك.. الشخص ده بيكون سبب من الأسباب ربنا حطه في طريقك علشان يعوضك عن ناس سابوك ويوصلك للحاجة اللي بتتمناها.. بواجبك معه وحقه عليك إنك تشكر وتقدر معروفه ليك

أحيانًا بعد التعرض الكتير للخذلان والمواقف المؤذية بتحس كأنك أنكسرت من جواك.. إنك مبقتش الشخص إللى كان واثق من نفسه.. كل حاجة قدامك مبقاش ليها طعم وفرحة كل حاجة انطفت.. الإحساس ده طبيعي أكيد لكن ماتسبش نفسك ليه.. خليك واثق إن اللي حصلك ده كان لسبب أيًا كان إيه هو بس بعدها تعلمت واتغيرت أرجع تاني مبهج جرب وشوف واتعلم بس ماتقعش في نفس الغلط مرة تانية.

أجمل ما في العشرة هو الإهتمام.. إنك تهتم باللي قدامك وتحسسه بثقة فى نفسه أهتم بالناس إللى بتحبهم وعزز ثقتهم في نفسهم وكن انت أول الداعمين لهم وفي المقابل إنك هتلاقي إهتمام منهم لما تنجح لما تفشل لما تنكسر لما تفوز لما تتعب احنا مش عايشين لوحدنا فى الحياة لازم نشارك بعض لازم نحس ببعض .. الإهتمام مش شرط يكون بين الأزواج بل بالعكس ده بينك وبين أخواتك وصحابك وعيلتك وأولادك.. وقوفهم جنبك فى فرحك ؛ حزنهم عليك خوفهم على مشاعرك ده إهتمام، جبرهم لخاطرك في زعلك ده إهتمام،فرحهم لنجاحك ده اهتمام أطمئن انهم عليك وقت تعبك ده إهتمام، وطول ما هم بيزرعوا إهتمام وحب وسكينة ومشاعر جميلة كل لما هيزيد حبهم فى قلبك.. متحرمش نفسك من رفع معنويات حد وتوصله لدرجة الثقة بنفسة.. لأن هيجى اليوم اللى انت هتحتاج فيه ده ولو ملقتهوش متلومش حد قبل ما تلوم نفسك .

اختار صح الناس اللي حواليكي الناس إللي تدعمك وتزيد ثقتك بنفسك ويفضلوا معاك على الحلوة والمرة. في حاجات كانت هتبقى حلوة اوى لو كانت جت وقت ما احنا كنا عايزين أوعي تطلب من حد انه يهتم بيك اوعي تستني حد بيسأل عليك علشان هيصعب عليك نفسك لما هتشوف عملت عشانهم ايه و عملوا فيك ايه.

شاهد ايضاً
إغلاق
زر الذهاب إلى الأعلى