الحياة في عيوني إنتي … بقلم الشاعر الغنائي: حمادة العسكري
الحياة في عيوني إنتي
روحي أختي أمي بنتي
متر ونص وكام سنتي
بس مفعولك رهيب
كلمتين منك يا دوب
لو تعبان بروق وأدوب
إنتي بلسم للقلوب
إنتي ولا مليون طبيب
إنتي حسنك حاجه حصري
الجمال ده بجد مصري
ببقى بيكي حد تاني
سلطان زماني ونجم عصري
كلك على بعضك جنان
بتاخدي قلبي أبعد مكان
ياللي عمري إحلو بيكي
بحس فيكي راحة وأمان
الحياه بقى لونها فاتح
قبلك وبيكي الفرق واضح
مهما أداري شوقي فاضح
بيبان بس في كلمتين
كنت حتة واد جرئ
بقيت معاكي طفل وبرئ
بحكي ليكي عن كل شئ
بين إيديكي دايب حنين
أول ما بيخطر في بالي
في أي حاله من حالاتي
إنتي عندي أغلى غالي
مش حبيبتي لأ حياتي
عارفه لما بتوحشيني
يدق قلبي وأغمي عيني
أحس بيكي بتلمسيني
بتحسسيني دايما بذاتي
