الفنانة عنبر ترد على الشائعات: لم يحدث بيني وبين الدكتور أشرف زكي أي خلاف
تعرضت الفنانة عنبر خلال الساعات القليلة الماضية لشائعة الخلاف مع دكتور أشرف زكي وطردها من المؤتمر مما دعاها للرد وتوضيح حقيقة الموقف وتوجهت بالشكر لدكتور أشرف زكي لدعمها ومجهوداته في النقابة.
وفي تصريح خاص لجريدة عالم النجوم قالت:
الكلام ده ليس له اي شئ من الحقيقة وغير صحيح، أنا ولا حصل طرد من دكتور أشرف، لأن دكتور أشرف زكي بتجمعني به عشرة طويلة جدا و ود واحترام وصداقة وأخوة وحاجات كتير حلوة، وهو له مواقف حلوة كتير معايا أنا عمري ما أقدر أنساها له، لكن مش معنى أن حصل خلاف بيني وبين دكتور أشرف أو ميس اندرستند يتحول أن هو طردني أولا المؤتمر والقنوات كانت موجودة وكل الفنانين كانوا موجودين أعضاء الجمعية وماحصلش طرد وبالعكس أحنا ما مشيناش أصلا من المكان إلا واحنا متصالحين وهو له كل الاحترام وكل التقدير ورضاني قبل ما أمشي وأنا رضيته ومشينا زي السمنة على العسل.
وتابعت: وعلى فكرة كنا قاعدين مع بعض انهارده ومفيش أي خلاف تماما وأنا بكن له وبشكره على كل مجهوداته الكبيرة اللي بيعملها لحماية المهنة ولحماية أعضاء الجمعية العمومية والورشة اللي عملهالنا وجبنا لنا أحسن الدكاترة عشان يعمل ريفريش للفنانين اللي قاعدين بقالهم فترة في البيت وأنا كنت من ضمن الناس إللي رحت حضرتك الورشة وبنستكملها اليومين دول و الأسبوع ده بنكملها وبشكره على كل الجديد في التطور التكنولوجي أو الفني للفنان هو بيعملهولنا وبنكمل الورشة مع دكتورة روان الغيطةمن الدكاترة اللي كانت بتدرس لنا في الورشة كان معانا دكتور فريد النقراشي وأستاذ حمدي رؤوف الملحن والمؤلف مصطفى حداد مصمم الاستعراض كان جايب مجموعة هايلة في كل حاجة.
وأكملت: اختلفنا هو فهم جملة أنا قولتها غلط أنا فهمت كلمة هول قالها غلط لكن في الآخر احنا أخوات وبكن له كل التقدير وهو أخويا ونقيبي اللي بحترمه وهو له مواقف حلوة مع الناس كلها فأنا ما فيش أي كلام .
بشكره طبعا للمسلسل الكبير اللي رشحني ليه والحمد لله اتفقت عليه صيد العقارب مع النجمة كبيرة غادة عبد الرازق انا سعيد بمعرفتها والشغل معاها ومع المؤلف الكبير بهاء الدار ومع المخرج الجميل المحترم الجميل أستاذ أحمد حسن ومع الكرو الجميل النجم أحمد ماهر ، النجم رياض الخولي ، محمد علاء، محمود عبد المغني، منال سلامة كاست كبير مش عايزة انسى حد طبعا محمد علي رزق في ناس كتير جدا سامية عاطف، ميار الغيطي كاست كبير جدا جدا في المسلسل وسعيدة بالشخصية اللي بعملها وبشكر الدكتورة أشرف وجلس النقابة على ترشيحهم ليه وانهم سعوا بكل مجهوداتهم اكون في المسلسل هما حاسين انه حقي وكتر خيرهم النقش في المسلسل حقي واقف وبقوله ميرسي لدعمك ووقفتك انت ومجلس النقابة وكل زمايلي المحترمين.
