الفنانة عنبر تطالب بمقاضاة موقع يروج الشائعات والأكاذيب
الفنانة عنبر في تصريح خاص لعالم النجوم تطالب بمقاضاة موقع يروج الشائعات والأكاذيب وانها ستطالب بالتعويض في تصريح خاص: “مش هسكت للموقع اللي هو نزل الخلاف بالمنظر المشين ده والمنظر الكاذب وهرجع للتعويض وهرفع قضية عليهم انهم نزلوا حاجة وقالوا شئ محصلش محصلش أي طرد بالعكس أحنا ممشيناش أنا خرجت شربت حاجة ورجعت كملت القاعدة عادي جدا في وسط زمايلي أمام دكتور أشرف والآخر ندى لي وطلعنا واتكلمنا واتصافينا قدام الدنيا كلها ومشينا واحنا زي الفل ومفيش أي حاجة خالص فدا وقع سوري زي مابيقولوا الصحافة الصفرا اللي معندهمش دليل وهطالبهم يجيبوا الدليل أني أطردت من القاعة فعيزاهم يقولوا كلمة طرد وانه هيقعدني ومش هيشغلني.
وتابعت: الموقع هيرجع عليه كل التعويضات وهرفع قضية لانه موقع زبالة وبيقول أكاذيب حتي لو جايبين جزء من الفيديو المفروض يكملوا اللي حصل في الاخر ايه هما جابوا اللي عايزين يطلعوا بيه تريند على حسابي وعلى حساب دكتور أشرف أنا أسفة أنا بعترض وكان المفروض يقولوا القاعدة انتهت وهما ماشين متراضين ومحصلش طرد وانا من أول الاجتماع لنهايته كنت موجودة وماشين زي الفل امام الدنيا كلها.
الجدير بالذكر أن الفنانة عنبر قد تعرضت لشائعة بطردها من قبل دكتور أشرف زكي في أحد المؤتمرات ولكنها أوضحت الحقيقة بأنه سؤء فهم للجمل والعبارات ولم يصل للطرد بل انها خرجت خارج القاعة لأخذ مشروب وعادت مرة أخرى وأكملت الموتمر مع باقي الزملاء وانها تكن لدكتور أشرف زكي كل الأحترام والتقدير على مجهوداته ، “مش معنى أن حصل خلاف بيني وبين دكتور أشرف أو ميس اندرستند يتحول أن هو طردني أولا المؤتمر والقنوات كانت موجودة وكل الفنانين كانوا موجودين أعضاء الجمعية وماحصلش طرد وبالعكس احنا ما مشيناش أصلا من المكان إلا واحنا متصالحين وهو له كل الاحترام وكل التقدير ورضاني قبل ما أمشي وأنا رضيته ومشينا زي السمنة على العسل”.
