النجم فريد النقراشي عن مصري يفوز بجائزة نيوتن.. “ده مش عمر كمال ولا حسن شاكوش”

كتب:مادونا عادل عدلي

دعم النجم فريد النقراشي أول مصري يفوز بجائزة نيوتن، عن بحثه للكشف عن الجين المسؤول عن سرطان الكبد.

حيث نشر الفنان فريد النقراشي عبر حسابه الشخصي على موقع التواصل الاجتماعي فيسبوك صورة وعلق عليها قائلاً 

“ده مش عمر كمال اللي قال “إركن شهادتك على جنب”

ولا حسن شاكوش اللي ركب ال X6 وقال “العلم في الراس مش في الكرّاس” لأنه بيفكّ الخط بالعافية  

ولا نامبر وان ولا بيكا ولا شطه ولا كزبرة وحنجرة ولا حتى معروف ….

ده أول مصري يفوز بجائزة نيوتن، عن بحثه للكشف عن الجين المسؤول عن سرطان الكبد .

دكتور ماركو زكي المدرس بكلية الصيدلة جامعة المِنيا ، 

دكتور ماركو جائزته تقدر بمبلغ 200 ألف جنيه استرليني اتبرع بنصها لجامعة المِنيا لتخصيص معمل بمواصفات عالمية والنص التاني هيستكمل بيه أبحاثه العلميّة للقضاء على سرطان الكبد نهائيًا .

يمكن هو مركبش X6 وفيديوهاته مش هتحقق 250 مليون لإنه بيفني حياته في حاجة ليها قيمة .. حاجة مفيدة للبشر كلهم وحاجة مش غرضها استعراض الجوائز ولا أسطول العربيات .

حرام ناس زيه مياخدوش ربع التسليط الإعلامي والموجود على السوشيال ميديا .

واختتم حديثه قائلًا… “حرام ده مايكونش قُدوَة لأولادنا، شكرًا لكل صاحب رسالة”.