بعد تلقيها عدة عروض زواج.. شيرين رضا: أنا مش فاضية ومش عايزة أتجوز

كتبت / روز توفيق انور

ردت الفنانة شيرين رضا على التعليقات التي تلاحقها حول طلبات الزواج على مواقع التواصل الاجتماعي، كما كشفت أسباب مشاركتها في الجزء الثاني من مسلسل “وبينا ميعاد” 

وعلقت شيرين رضا حول طلبات الزواج من معجبيها على مواقع التواصل الاجتماعي قائلة خلال حوارها مع موقع “فوشيا”: “والله أنا مش فاضية، أنا مش عايزة أتجوز”.

وأكدت شيرين رضا خلال حوارها أن وجود قضايا وحكايات جديدة من أسباب مشاركتها في الجزء الثاني من مسلسل “بينا ميعاد” وقالت: “نجاح الجزء الأول هو اللي شجعني، وبعدين أنا لست ضد تنفيذ جزء ثاني من مسلسل، ولكن أنا ضد إنه يكون الجزء الثاني للمسلسل مكرراً نفسه أو مش بنقول حاجة جديدة”.

وتابعت قائلة: “ولكن لما هاني كمال كتب الجزء الثاني لمسلسل، لقيت إننا عندنا حكايات كثير جداً للعائلة دي”.

وعن تعليقات الجمهور حول شخصيتها “نادية” وتداول مشاهدها في الجزء الأول من مسلسل “بينا معاد” قالت: “لا الحقيقي مشوفتش رد فعل الجمهور لأني طول الوقت شغالة إحنا لسه مخلصين شغل الساعة 6 الصبح”.

فيما كشفت شيرين رضا حقيقة تصريحاتها بشأن تقليلها المشاركة بالأعمال الدرامية بالتليفزيون فقالت: “كانت تصريحات تخص دراما شهر رمضان، أنا بحب مسلسل بينا معاد لأننا بنطلع أوف سايزون وقتها الناس بتكون رايقة والمسلسل بياخد حقه”.

واستكملت قائلة: “في رمضان كل واحد بيكون عايز يتفرج على 5 مسلسلات حقيقي الشغل في رمضان مش بياخد حقه، ويأخذ حقه بعد رمضان لما الناس تشوفه في رواقه”.