بكلمات مؤثرة رانيا فريد شوقي تحيي ذكرى الـ ٢٥ لوفاة والدها

كتبت: مريم عوض

وجهت الفنانة” رانيا فريد شوقي ” رسالة عتاب من خلال حسابها الشخصي عبر موقع التواصل الاجتماعي “فيسبوك “، وعلقت قائلة;همسة عتاب رغم أنها مش هتغير حاجة لأن كله إنت تعيش يا حج.

وتابعت :”في الذكري ال٢٥ لوفاة والدي الحبيب و الفنان الكبير فريد شوقي المنتج و المؤلف و مكتشف و ساعد نجوم كتير و مخرجين و منتجين فريد شوقي مؤسسة لوحده أنتج ٣٠ فيلم السنة اللي فاتت كانت المئوية و في ظروف كورونا و الحمدلله.

وأضافت :مازال في مخلصين لذكراه كان بالنسبة لهم الاب او الاخ او العم او الاستاذ و كانوا فعلا بيستعدوا لعمل ذكري تليق بأسم و مكانة فريد شوقي و الحمدلله تم منها جزء من خلال مهرجان الإسكندرية برئاسة الأستاذ الصحفي المحترم الأمير أباظة و حبيب و إبن أبويا الأستاذ الصحفي سمير الفقيه اللي بذل مجهود كبير و المخرج الجميل عمر عبد العزيز.

وأشارت :”مهرجان الأقصر للسينما الافريقية برئاسة السيناريست الأستاذ سيد فؤاد و مديرة المهرجان المخرجة عزة الحسيني و تم تكريمه من جريدة الأخبار و مهرجان همسة برئاسة الأستاذ الصحفي فتحي الحصري و طبعا مهرجان القاهرة عمل من بنها ما علينا المهم كونا مجموعة محددة تكون هي المسؤلة للاحتفال بالمئوية و اتقابلنا ٣ مرات و قالوا كلام يفرح القلب و خدنا الكام صورة و دمتم طبعا القليل منهم نفذ وعوده و علي رأسي طبعا و الباقي فنكوش مش هقول أسامي لكن كل اللي هقولة الكلام سهل لكن الفعل امشير للأسف كلها إجتهادات فردية و غياب تام لأي مسؤل و احنا اللي كنا بنجري عشان نعمل حاجة و قابلنا وزيرة الثقافة و الوزيرة مشكورة قابلتنا أنا و عبير أختي بعد زن مني و اتكلمنا.

وواصلت :قالت هنعمل احتفال في الاوبرا و بالمناسبة قولنا لها حضرتك مافيش موقع فيه ارشيف كامل عن السينما المصرية و تاريخها في معلومات كتير مغلوطة علي مواقع قالت في موقع للوزارة تحت الإنشاء لتاريخ السينما الله أعلم ده تم و لا لسه و طبعآ مافيش إحتفال تم للأسف بسبب كورونا طب ما ممكن نعمل حاجات تانية كتير بعيد عن التجمعات و طب يا جدعان الكورونا قلت الحمدلله ان حد يعبرنا و لا الهوا مش في دماغهم الحي ابقي من الميت حتي لو كان من اعمدة السينما و غير قوانين بفنه و كان مهموم بقضايا مجتمعة و الغريبب ان مافيش متحف للفنانين او اي مبني يجمع تاريخ السينما و مقتنيات الفنانين زي ما حصل في مقتنيات العظيم أحمد زكي.

وأستكملت :طب يا جماعة يا مسؤلة شوفوا الاجانب بيعملوا ايه و قلدوهم مش هقول انكم تفكروا قلدوا اللي سبقونا في مثل بيقول من فات قديمة تاه و طول ما احنا لا نقدر و لا نذكر الأساتذة و الرموز و تاريخنا السينمائي و الفني العريق كله في طي النسيان ماتزعلوش بقي من اللي بيحصل و اللي لسه هيحصل ماتلموش علي قلة الاخلاق و عدم الوفاء و التقدير و عدم معرفة قدر الأساتذة و تاريخهم أنا بتكلم علي كل المجالات مش بس الفن نوروا الرموز و اظهروهم خلي الأجيال تعرفهم مش تاخد معلومات مغلوطة من علي السوشيال الميديا و النت يا جدعان.

وأوضحت :شوفت بعيني واحد عامل فيديو علي التيك توك بيقول ان فريد شوقي و يوسف وهبي و أنور وجدي من الماسونين و الناس كاتبه تعليقات انها مصدقة و هما اصلا مش فاهمين يعني ايه ماسونية ده في بلاوي بتتقال علي كل الرموز و طبعا أحلى تسلية علي الفنانين أكاذيب و فتي حسبنا الله ونعم الوكيل نرجع لكلامنا يا ناس بصوا علي الخواجة و اللي بيعملوه افلام وثائقية و أفلام سينما دول عملوا احتفال لمرور ٦٠ عام علي شخصية جيمس بوند والله ما عارفه أقول إيه.

وأختتمت :أختم بهذه السطور المقتبسة من إحدى المقالات
إن الفنون تحمل خبرات وتجارب الحياة،وذلك فهي وسيلة راقية لتنوير وتعليم الإنسان، وتربية ذوقه، وحسّه الجمالي..إن الشعب الذي تنمو فيه الفنون والآداب هو شعبٌ متطوّرٌ.

والجدير بالذكر آخر أعمال رانيا فريد شوقي مسلسل “حلم”، بطولة الفنانة صابرين والفنانة وفاء عامر، والقديرة سميرة عبد العزيز، والفنانة ياسمين جمال، والفنانة نهال عنبر، وأنوشكا وآخرون من النجوم.