تامر فرج يشارك بـ رأيه في فيلم “قمر14” عقب مشاهدته.. تفاصيل
كتبت: مادونا عادل عدلي
قام الفنان تامر فرج بنشر رأيه لفيلم قمر ١٤ الذي يعرض في جميع السينمات
حيث أنه قام الفنان بنشر صورة عبر حسابه الشخصي على موقع التواصل الاجتماعي فيسبوك وعلق عليها قائلاً
انا والقمر بتاعى حضرنا العرض الخاص لفيلم قمر_١٤
فيلم رائع و ممتع و لأول مره اتابع فيلم رومانسى لأخره و ماحسش انه ملزق او مكرر او متوقع
وتابع الفنان…الكاتب محمد زهران انا بجد لازم اتعرف عليه ويبقى صاحبى!!! بحرفيه شديده قدر يغزل قصص مختلفه ببعض ويعمل منها فيلم متكامل .. بدون مط او تطويل بيخش فى القصه على طول من الخلاصه و بتفهم انت تفاصيلها لوحدك بمنتهى السلاسه
هادى الباجورى اخراج اكتر من رائع فى كادرات وتوجيه ممثلين بدون فرد عضلات فعلا بيديلك الخلاصه
الممثلين مقدرش اتكلم على حد فيهم كلهم عتاوله و بيحافظوا على مراكزهم بأداء طبيعى و رائع بدون افوره او انفعال مالوش لازمه وعلى رأسهم كبيرنا الفنان أحمد بدير
و اخيرا انتاج متميز من الحاج أحمد السبكي بعيد تماما عن ما كان يفرضه عليك اسم السبكي على الافيش من انطباع
انتاج و كواليتي رائع
فيلم يستحق المشاهده
مبروووك لصناعه ومبسوط ان بقى فيه اكتر من فيلم متميز فى سينماتنا
تامر_فرج
