حمادة العسكري يكتب: يارتني ماكنت جيت
حمادة العسكري يكتب … شوفته فجأة قصاد عينيا
وسط ناس بعد الفراق
كنت قاعدة أداري فيا
الحنين والإشتياق
كانت عيون الناس عليا
وهو إيده في حضن غيري
وأنا كنت عادي رايحة جاية
أشوفه أغير خط سيري
باينة عادي وبطبيعتي
كأن حبه في قلبي مات
بعد وقت بصيت في ساعتي
قولت أمشي الوقت فات
قومت سلمت ومشيت
قالوا عني إني نسيت
ماشية لسه وف طريقي
م الحنين والشوق بكيت
خطوتين بينه ومابيني
كنت خايفه يبان في عيني
إنه لسه جوه مني
آه ياريتني ما كنت جيت
رايحة جاية قصاد عينيا
ذكريات قلبي معاه
اللي بيحب بحقيقي
عقله ينسى وقلبه لا
وإن جات عيني في عينه ثانية
أداري عيني عن عينيه
وأشغل بالي بحاجة تانية
يعني مش مهتمة بيه
باينة في عينيهم قوية
في عز ضعفي وكسرتي
كل حاجه بتبكي فيا
وف عينيا ضحكتي
قومت سلمت ومشيت
قالوا عني إني نسيت
ماشية لسه وف طريقي
م الحنين والشوق بكيت
خطوتين بينه ومابيني
كنت خايفة يبان في عيني
إنه لسه جوه مني
آه ياريتني ما كنت جيت
