حمو بيكا: أنا مؤدي وبعترف إني مؤدي وحسن شاكوش مصطنع
كشف حمو بيكا، مغني المهرجانات الشعبية، العديد من الأسرار حول كواليس تعاونه مع زميله حسن شاكوش، قبل شهرتهما.
وقال «بيكا»، خلال لقائه في برنامج «العرافة»، الذي تقدمه الإعلامية بسمة وهبة، مساء الثلاثاء: «أنا مؤدي وبعترف إني مؤدي، وحسن شاكوش مصطنع وبيتصنع على الناس ومتكبر ومغرور، أنا المدرسة اللي طلعت حسن شاكوش«.
وتابع: «شاكوش مكنش عنده استوديو وبيحط ممول عشان أغانيه تجيب مشاهدات، أول أغنية عملتها لحسن شاكوش جابت 15 مليون مشاهدة، وأنا اللي طلعته للنور ولما اشتهر والغرور خده مني بقى يعمل أغاني لوحده».
وكان حمو بيكا شارك صورة له برفقة الفنان تامر حسني، عبر حسابه الشخصي بموقع التواصل الاجتماعى «فيس بوك»، خلال حضورهما حفل زفاف المغني حسن شاكوش، قبل أسابيع.
وعلق حمو بيكا، على الصورة متجاهلا المناسبة ووجّه رسالة لتامر حسني قائلا: «صورة مع صديقي وحبيبي ونجمي المفضل تامر حسني.. تامر حسني بالنسبالي مش مجرد مغني عادي، تامر ده شخصية ملهمة لأي شاب في جيلي، تامر قدر يحقق ويكسر أرقام كتير أوي في الفترة اللي فاتت».
