محمد نور يعلن عن مباردة الصلح بين حمو بيكا ونقابة الموسيقيين
كتبت/ مادونا عادل عدلي
قام الفنان محمد نور بالكشف عن مبادرة تهدف إلى الصلح بين مغني المهرجان حمو بيكا ومجلس نقابة المهن الموسيقية، وهذا عقب أزمنة الأخيرة مع مجلس المهن، وبعد اتهامه بالرشوة.
وأشار محمد نور بأنه على كامل الاستعداد أن يأخذ حمو بيكا ويذهب معه إلى مجلس نقابة المهن الموسيقية ويقوم بالاعتذار للجميع داخل المجلس عن ما صدر منه.
حيث نشر محمد نور فيديو على حسابه الشخصي على موقع تبادل الصور والفيديوهات إنستجرام يبدأ من خلال مبادرة الصلح.
وعلق قائلًا:”:لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه”.
وتابع محمد نور:”هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع”.
واستكمل تعليقة بتوجيه رسالة لـ حمو بيكا قائلًا:” أتمنى تقرأ الكلام ده وتعتذر، وهما مفيش أطيب منهم، والموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف”
واستكمل محمد نور تعليقة بتقديم شكر مسبق لمجلس المهن الموسيقية وطلب من الجمهور:” شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبو اليزيد، وأنا متأكد أنكم هتتعاونو معايا، وده مش جديد عليكو”.
وقام حمو بيكا بالرد على محمد نور وشكره على ما قاله عن طريق الكومنتات حيث قال له:” شكرًا لاخويا النجم محمد نور اللي انت شايفه أنا هعمله، أنا عاوز أكل في بلدي علشان أنا بحب جمهوري في بلدي، واللي حضرتك شايفه أنا معاك فيه، وعفا الله عما سلف، وطبعا اي حد على دماغي”.
وتابع :” دي مبادرة كويسة منك شكرًا لدعمك ليا “.
