خالد محمود في الجزء الرابع والأخير في حواره الساخن على عالم النجوم
إعداد وحوار / دعاء نصر
من أهم أعمال الفنان المتميز خالد محمود و التي شارك فيها، مسلسل”رياح الشرق”. و”السقوط في بئر سبع” و”ملك روحي” و”نعتذر عن هذا الحلم” و”بطة وأخواتها” و”زهرة في الأرض البور”. كما شارك في عدد من الأعمال السينمائية أبرزها “إحنا أصحاب المطار” و”عاوزين لعب” و”شباب تيك أواى” و”سلام مربع للستات ” و”علي سبايسي”، والعديد من الأعمال الأخرى.
تأدية دورك كضابط شرطة في الكثير من العمال الفنية نالت أعجاب شديد من الجمهور منها مسلسل “ظل الرئيس” بعد ان حقق هذا العمل الفني نجاح كبير كلمنا عن كواليس هذا العمل ؟
موضوع ضابط الشرطة عملي مشاكل كل منتجين جم في فترة يبعتولي دور ضابط شرطة قلت لهم حرام عليكم انا كده انا كده حاسس ان بقيت لواء يعني انا في الاول وفي الاخر ممثل، الممثل بيعمل كل الأدوار، جت فترة برده في حياتي بعمل ادوار شر كل المنتجين بعتولي في أدوار الشر، قولتلهم الناس كده هتبدأ تكرهني جامد، فأنا اقصد اقول ان التنوع مطلوب بزعل جدا من المنتج او المخرج اللي هو فلان نجح في دور معين يفضل يطلبه في نفس الدور فأنا شايف انه بيقتله وبيحدده. وبيحجمه في دور معين. وبيحرمه من باقي الأدوار يعني حتى صديق ليه منتج قاعدين بنتكلم على مشروع فيلم وبيقولي انا عاوزك تعمل دور الضابط انا كنت قاعد قبلها بفترة بكلمه علي معاناتي مع دور ضابط الشرطة.
فريد شوقي يكلم خالد محمود
اللي انا بعمله كتير فلقيته بيكلمني في فيلم عاوزني أعمل دور ضابط شرطة، قولتله دا انا لسه عمال اشتكيلك قالي لا انت نجحت في الدور ده. وانا عاوزك فيه. ومش شايف حد غيرك فيه، قولتله انت تكمل المسيرة مش هعمل دور ضابط الشرطة، ابتديت اتمرد علي ظابط الشرطة. وقولت بس يارب يستر ومايجليش دور ضابط شرطة تاني دلوقتي، كواليس ظل رئيس كانت من اجمل الكواليس كانت اول بطولة مطلقة للفنان الجميل ياسر جلال وكلنا كنا فرحانين اننا. واقفين مع اخونا وحاببنا ياسر جلال فأول بطولة مطلقة ليه. وأنا شايف ان كانت من اجمل كواليس اعمال اللي اشتغلت فيها لان ياسر سخصية جميلة جدا. أنا بعتز بيه كنا زملاء مع بعض في المعهد العالي للفنون المسرحية والحمد لله ربنا كرمه في المسلسل. وحقق الحمد نجاح كبير جدا.
جمهور الفنان خالد محمود لا يعرف شئ عن حياته الخاصة مثل اسم زوجته. وما إذا كان لديه أبناء أم لا .. ما السبب ؟ بتخاف من الحسد؟
لاء مش مسأله بخاف بالحسد ولا حاجة يمكن انا مش من النوع اللي مش بظهر بمراتي واولادي علشان اقول كذا. وكذا مش بحب الجو دا عندي اعتقاد راسخ بأن البيت للبيت. والشغل للشغل بيتي في حته وشغلي في حته مش لازم ابقي مشاع للناس مش لازم الناس يبقي عارفين اسم مراتي مش نظرية زي الناس بتوع زمان اللي بينادي مراته بإسم ابنه لا لا لا اقصد لما هاخد مراتي وطلع بيها في برامج يمكن هي مراتي جات معايا عيد ميلاد واحد بس فقط. واتصورت معايا فيه فقط لا غير في الوسط الفني
هي كمان ملهاش في حفلات الوسط. وانا ذات نفسي مليش في حفلات الوسط كتير يعني في اوقات كتير تعزم مبروحش اولادي عندي ثلاثة اولاد عمر وزينة. ومليكه لكن هو انا مش من النوع اللي بطلع باولادي في كل حته. وبيتي زي ما قولتلك كدا ابقي مشاع مش نظرية حسد ولا اي حاجه خالص.
