د. أحمد علام ضيف حلقة راديو عالم النجوم مع دعاء نصر على الهواء
د. أحمد علام ضيف حلقة راديو عالم النجوم مع دعاء نصر على الهواء
تم انطلاق راديو عالم النجوم الأربعاء 5/5/2021 في تمام الساعة العاشرة مساءا مع كوكبة من الضيوف ذات الخبرة الواسعة. تحت إشراف الإعلامية دعاء نصر رئيس مجلس مؤسسة عالم النجوم الإعلامية. وكانت أول فقرة وهي عن المرأة مع الدكتور أحمد علام، الفقرة إعداد د. ليلي أحمد جابر وتقديم الإعلامية دعاء نصر.
بدأت دعاء نصر بالترحيب ب مستمعيها:
أهلا وسهلا بكم اعزائي المستمعين الكرام في أولى حلقات راديو عالم النجوم معكم دعاء نصر على الهواء مباشرٱ هنبتدي فقرتنا الأن عن المرأة. ولو اتكلمنا بإختصار شديد عن المرأة هنقول ان المرأة هي اللبنة الأولى في بناء المجتمع وهي العامل الأساسي فيه. والمرأة لها دورها الفعال في نهضة المجتمع ف لا تختلف عن الرجل بأهمية وجودها، ف المرأة نصف المجتمع.
في بدايه اللقاء نحب نرحب بـ الدكتور أحمد علام استشاري العلاقات الأسرية. والتنمية البشرية وأول سؤال نتوجه به لدكتور أحمد
1- في السنوات الأخيرة المرأة المعاملة حازت على مكانة راسخة في المجتمع، كبيرة جدا. ومع ذلك مازالت التحديات تحاصرها سواء من المجتمع أو من محيطها العائلي…. فكيف يمكن أن تتغلب المرأة على هذه التحديات؟
يجيبها دكتور أحمد علام قائلا: هو للأسف التحديات تبدأ معاها منذ الصغر يعني أحنا دايما بنقول في مجتمع ذكوري وهو الكلام ده ليه أساس من الصحة من وأحنا صغيرين مثلا البنت ليها تعاملات معينة، إللي هو ممكن اخوها يعمل حاجات هي متقدرش تعملها رغم ان ممكن تكون متفوقة عليه دراسيا، وعقليا وأخلاقا.
ولكن احنا في بعض الأسر أو أسر كتير تعطي صلاحيات أكتر للابن أكتر من البنت، ينشأ هذا الولد اللي هو أخذ هذه الصلاحيات بيكبر بعد ذلك يكون زوج والبنت إللي ممنوعة من بعض الأمور هي اللي بتكون زوجة بعد ذلك في يوم من الأيام، بنلاقي بعد ذلك في المشاكل الزوجية دايما بيجلنا أن المرأة هي اللي شايلة البيت كله. وهو مش شايل حاجة لأنه بيعتمد عليها اعتماد كلي رغم أنهم بيشتغلوا، يا بتشتغل، هي تطبخ. وتكنس وتمسح وتودي الولاد التمرين وتذاكر لهم. والزوج يكون هو كل إللي عليه بيروح الشغل وممكن يقعد مع أصحابه على القهوة أو ممكن ميعملش حاجة. ويرجع ينام فـ بالتالي هي عندها تحديات فعلا من أول ما تبدأ حياتها ولكن المجتمع نفسه خارجيا
دعم المرأة في الفترة الأخيرة
اعتقد مدي كتير اوي دعم كبير للمرأة في الفترة إللي فاتت وعلى التوجهات السياسية وعلى الصعيد الإجتماعي هيا واخدة دور كبير جدا وحضرتك امرأة. واكيد شايفة ان ليكي دور، في ناس يستفيدوا من حضرتك وبتدي فرص لناس وبتدي دعم لرجال كتير فبالتالي علشان كده بنقول ان هي خارجيا واخدة دعم كبير، المشكلة إللي بتواجها هي الاسرة، مع ان المفروض العكس ان الأسرة تكون أكبر مشجع ليها والزوج يكون أكتر حد دعمها أكتر من الخارج.
وأكمل الدكتور أحمد علام قائلاً:
لكن الخطأ عندنا في المجتمع هو العكس علشان كده محتاجين كل رجل، وللاب وللام ياجماعة أحنا عاوزين نبدء نغير طريقتنا، ان المرأة والرجل نعرف ان الأتنين سواسيا ونعرف ان المرأة أحيانا بتؤدي دورها أكتر من الرجل ف منقعدش نحد اوي منها وندي الصلاحيات كلها للرجل. والزوج كمان لازم يعرف لو مساعدش زوجته أو لو متعبش كمان زيها ويديها كمان نفس الحقوق إللي واخدها، هي هيجلها وقت. ومش هاتقدر تشيل المسؤولية لوحدها وده سبب كتير جدًا من المشاكل الأسرية.
طرحت الإعلامية دعاء نصر السؤال الثاني قائلة:
ما هي الطريقة المثلى لكي تتخلص المرأة من مفهوم الفجوة الكبيرة في النوع الاجتماعي (المقصود به الرجل والمرأة في سوق العمل) ؟
أجاب دكتور أحمد علام قائلا:
ان هيا تجتهد تشتغل وتتعب وتحقق اهدافها وفي الوقت ده مش هيكون في فجوة خالص، أحنا النهاردة بنشوف المرأة مديرة بنشوفها وزيرة فكل امرأة عندها هدف وطموح أو عندها إرادة هتقدر تقضي علي هذه الفجوة. ومش هيكون بين الرجال إللي حواليها أو بينها. وبين زوجها أو زملائها في العمل، هذه الفجوة لو قدرت هيا تجتهد وتحقق طموحها وتنجح فـ زي مااحنا شايفين كثير من السيدات النهاردة هم قدوة في المجتمع أنا نفسي كنت كتبت عدة مرات عن سيدات هم في المجتمع عملوا دور كبير جدا بقت سيدة اعمال. ودكتورة ومهندسة ومعلمة بتعمل حاجات كتير جدًا ممكن يكون الراجل يسترشد بها كمان في أمور أخرى.
فبالتالي أنا بقول لكل امراة انتي الدور اللي عليكي تحققي أهدافك. وطموحاتك متيأسيش ويبقي عندك أمل وحياة خارجية، خارج نطاق الأسرة، عبارة عن أن عندي بعض المهارات، أمارس رياضة، ان ممكن أثقف من نفسي وأعلى من نفسي مع دوري للاسرة، لو عرفت ان أحقق الاتنين دول فأنا أقضي على الفجوة تماما .
توجهت دعاء نصر لدكتور أحمد علام بسؤال وهو: ممكن كلمة للرجل ؟
احلي د. أحمد قائلا:
ان طول ماانت شايف انك الأعلى، وطول ماانت شايف نفسك إن المرأة أقل منك، وطول ماانت ملقي علي كاهلها، طول ماانت هتلاقيها هتوقع منك مش هتكمل معاك. وهتبعد عن هذه العيشة والحياة فهتسبب لنفسك مشاكل، أنت عاوز تسعد نفسك أسعد زوجتك هتسعد نفسك واسرتك كلها، لأن سعادة الزوج من سعادة الزوجة ويكون حاطط في دماغه انا بتجوز ليه مش علشان انا هبقى سعيد لما اتجوز هتعمل ايه ف الزواج هتعمل ايه مع زوجتك هو ده إللي هيخليك سعيد.
ثم ختمت دعاء نصر فقرتها:
في ختام فقرتنا اليوم أحب أهمس في أذن كل امرأة بتقابل أي تحديات في حياتها العملية لا تيأسي وكوني صبورة. وأبحثي عن ميزتك في الحياة وراعيها.. اظهري ثقتك بنفسك وتكون اهدافك أمام عنيكي وحسني مهاراتك وأعطي الأولوية لسلامتك وراحتك.
وفي نهاية لقائنا أتوجه بالشكر للدكتور احمد علام استشاري العلاقات الأسرية والتنمية البشرية على وعد بلقاءات أخرى قادمة .
