“رامي جمال” يفي بوعده مع المطرب النقاش “أحمد سالم” ويتعاون معه في أغنيتين

كتبت: سناء عطية

أوفى الفنان “رامي جمال” بوعده مع المطرب النقاش “أحمد سالم”، حيث استضاف رامى، الشاب أحمد سالم في استوديو، وتحدث من خلال فيديو جمعهما سويًا، قائلاً: “منورني النهاردة الفنان أحمد سالم، عشان الناس اللي فاكرة أننا بنضيع وقت فأحب أقول أن مفيش وقت هايضيع”.

وتابع “رامي”، قائلًا: “أنا لسه راجع من السعودية امبارح وبأمر الله 3 أو 4 أيام هنسمع أغاني من أهم ناس في مصر عشان نختار الاغنيتين، الأولى بتاعتي أنا وأحمد والتانية بتاعته هو لوحده، وبأمر لله الوعد اللى وعدته ميمنعنيش عنه غير أن عمري يخلص وممكن أوصي المكتب لو عمري خلص يكملوا هما”.

وأستكمل: “أنا بطمن الناس كلها بأمر الله أحمد هيعمل الاغنيتين وتستمتعوا بصوته، واللي عاوزين أحمد في أي حاجة هو مضى مع شركة إدارة أعمال وأي حد هيتواصل معاه هيديله رقم الشركة دي، وأنا بالنسبة ليا الاغنيتين اللي بعملهم له أنا مش عاوز أي حاجة منه ولا عمري هامضيه على عقود احتكار، لأن أنا اللي بعمله عشان أحمد ربنا كاتبله قبول وانا أفرح اني أكون بنفذ التساهيل اللي بتحصل له”.

وكان قد خطف الشاب “أحمد سالم” الذي يعمل بالنقاشة قلوب الآلاف من الجمهور ورواد مواقع التواصل الاجتماعي، عقب تداول فيديو له أثناء غناءه أغنية “بكره يا حبيبي” للفنانة وردة الجزائرية.

وانبهر الجميع بصوته العذبة وموهبته الجبارة، وقام عدد كبير من نجوم الفن بمشارمة الفيديو الخاص بالنقاش “أحمد سالم” عبر حسابتهم الخاصة بموقع التواصل الاجتماعي.