سارة نخلة تلقن نزار الفارس درسًا بعد حلقة لطفي لبيب: “بيستغل الفنانين لإثارة الجدل ويهاجموا زملائهم”
هاجمت الإعلامية سارة نخلة المذيع نزار الفارس بعد إذاعته حلقة مع الفنان لطفي لبيب، والتي أثارت جدلًا واسعًا بسبب التصريحات التي أطلقها الأخير حول عدد من زملائه، من بينهم الزعيم عادل إمام، ومحمد رمضان، وعلي ربيع.
وخلال برنامجها “آخر اليوم” على قناة “هي”، انتقدت سارة أسلوب الحوار قائلة: الموضوع مش جديد، نفس الإعلامي ده استضاف قبل كده فنانين زي حورية فرغلي ورانيا يوسف، ووقعهم في فخ أسئلته المستفزة. المشكلة مش بس في الأسئلة، لكن كمان في طريقة المونتاج اللي بتسبب تحريف كلام الفنانين وإثارة الجدل على حساب مصداقيتهم واسئلته كلها سم”
وأضافت: فنانين كتير لما شافوا إن كلامهم اتلعب فيه، زي حورية فرغلي، خرجوا وصححوا الموقف، لكن للأسف في ناس بتقبل الفخ ده مقابل الفلوس وبتسكت، وده شيء يضر الفنان نفسه قبل أي حد”.
وعلّقت سارة على تصريحات لطفي لبيب عن الزعيم عادل إمام، قائلة:
“إزاي نطلع ننفي 50 سنة من نجاح الزعيم اللي عمل فيها كل أنواع الفن من الكوميديا للدراما؟ ده تاريخ لا يمكن يتلغي بكلام عابر. وكمان لما يتقال إن محمد رمضان مش موهوب أو إن علي ربيع مش كوميديان، ده مش منطقي. مسرح مصر نجح سنين وكان الجمهور بيضحك، مش بتيجي تعيط”.
وختمت سارة برسالة مباشرة للفنانين: الفنان لازم يحترم زميله وتاريخه، والتصريحات اللي تهاجم زملاءك بتضر بصورتك قبل ما تضرهم. إحنا محتاجين إعلام يحترم المصداقية ويوقف النوع ده من الفتن”.
