سامح فؤاد يكتب: محكمة غريبة.. المتهم هو الحكم والحكم هو المتهم
لما يقول حاجب المحكمة كلمة محكمة بصوت عالى على الكل الوقوف احتراما للسادة القضاه و انهاردة محكمتنا محكمة مختلفة شوية و يمكن تكون جديدة لان فيها المتهم هو الحكم
و الحكم هو المتهم
غريبة صح ؟
اتفق معاك انه غريبة.
بس الحقيقة المحكمة دية مطلوبة جدا
اشخاص المحكمة دية لا يزدوا عن شخص واحد
عارف مين هما ؟
انت و نفسك
نعم انت و نفسك !!
ما قولنا انها محكمة غريبة
بس ليها هدف مهم جدا
لاننا كتير جدا فى حياتنا بنرمى اللوم
على الظروف على الناس على الدولة
و ساعات كمان على ربنا
و نقوله ليه يارب خلقتنا او جبتنا فى الحياة دية؟!!
لكن من النادر ان نرمى اللوم على انفسنا
تحت بند هى مش ناقصة
بس لو فكرت فى ظروفك كويس
بدون ما تقارن نفسك بغيرك
سوف تجد انك عند الكثير
بس انت مش عارف يا اما تسخدمه
او مش عارف امكانياتك اصلاً
او محاولتش تعرفها خالص
مع ان لو سمحنا بالمقارنة
سوف تجد ان فى ناس عندها
ربع او خمس امكانياتك
و صنعت المستحيل
صنعت التفوق و النجاح
و بدون ما ندخل فى تفصيل
المشكلة الوحيدة التى نعانى منها
كلنا اننا لا نعرف ايه هو هدففنا بالحياة ؟
مش
انا جيت ليه؟
و انا مخترتش اجى الدنيا.
مش ده السؤال اللى يتسال
السؤال هو. ايه انا فكرت اعمله فى حياتى ؟؟!
هل بعرف اسعد نفسى كويس؟
بعرف اخطط ليها كويس؟
عارف بالظبط انا عاوز ايه بعد
عشرة او عشرين سنة ؟؟
و ازاى اعلى من قمتى و من حياتى؟
و هو ده الهدف
اللى انا بعيش من اجل تحقيقة
يختلف الهدف من شخص الى اخر
بس المهم يكون فيه هدف
لان بالهدف يتواجد الطموح
و تنهض الارادة و تقوى
و يتفجر بداخلى الامل و التحدى
و ارى الحياة بشكل تحدى كبير
و بشكل مختلف
انما لو مافيش هدف .
و عايش حياتك بالطول و العرض
كدا يوم بيومه. هيلهلى يعنى
متلومش حد بعد كدا غير نفسك
و هنا بقى حاكم نفسك بنفسك
و اصدر الحكم عليها
و ساعتها متقولش انى اتظلمت
او انا كذا . لا انت اللى هادين
نفسك لانك انت الحكم و انت الخصم
و فكر مع كل فجر يوم جديد
و صباح جديد اسال نفسك
انا عاوز ايه اعمله انهاردة
حتى لو كان الهدف انك تكون بس سعيد
المهم يكون فية هدف فيه حياة ورفعت الجلسة
و صباحكم اهداف سعيدة يارب
