سامح فؤاد يكتب: مش كل الدموع لازم تبان
مش كل الدموع لازم تبان
مش كل الخوف سببه انسان
ولا كل الاحزان غدر من الزمان
اوقات تكون عند و قرارات
و ساعات تكون سجن للاهات
و منها خطأ فى الاختيارات
و اكيد البعد مش راحة و انسجام!
و صمتك مش افضل علاج!
صمتك لو صفة وفيك نمية
لكن ساعة الوجع و الالم
عدو يجب تنفيه
اياك بصمتك تنسى انك
انسان
محتاج تعبر عن المك
عن الاهات
و تبكى و تنوح كمان
تخبى ليه مشاعرك
هى عيب ولا حرام؟!؟!
تكتم ليه وجعك
هو انت مش انسان؟!؟!
عيش انسانيتك و متخفشى
اعمل ما بدالك ماتقلقشى
اللى بلا خطيئة يجى و يحسبنى
ف كون انسان و عبر عنك
بلا خوف
عاوز تبكى ابكى
عاوز تقول اه قول
الصمت مش دايما علاج
و خوفك من الكلام طريق مسدود
اخره تعب و اكتئاب
ف ماتخفش تكون انسان
