قالوا عليها … بقلم الشاعر الغنائي: حماده العسكري
قالوا عليها
تختلف عن كل الناس
زي ورده
تقطفها تطلع إحساس
عليها إسلوب
لو سمعه الحجر هيدوب
دا كلامها دوا للقلوب
إسلوبها حقيقي مريح
هي الأولى
جواها براءه وطفوله
ولو كل البيبان مقفوله
في إيديها تلاقي المفاتيح
عليها حنان
بيخلي الجماد إنسان
في كل قلب ليها مكان
دا قلبها مليان بالخير
ورقة صوت
نبرتها تحبها موت
زي النسمه لما تفوت
تاخد قلبك قوام وتطير
عليها حاجات
تحلي في عينك الأوقات
ووقت الجد والأزمات
كتف بكتف تبقى معاك
ضحكتها جنان
تخلي البال أخر روقان
تشوفها تقول دي مش إنسان
تشوفها تقول عليها ملاك
