سجن الذكريات … بقلم الشاعر الغنائي: حماده العسكري
بقالي كتير في زنزانه
دفاتر عمري مليانه
بدموع الفرقه والغيبه
وجراح من غدر وخيانه
الناس بجد مؤذيه
وشوش زايفه وسوء نيه
بقالي كتير حابس نفسي
موجوع نفسيتي تعبانه
محبوس في سجن الذكريات
محكوم عليا مدى الحياه
وكل ماأهرب م اللي فات
يحاوطني من كل إتجاه
عايش وفيا قلبي مات
وكل حاجه ماتت معاه
حاولت كتير أعيش بنهم
اتغير وأكون وآحد منهم
لقيتني صعب أكون غيري
والأصعب لسه بأمنهم
صحيح الوحده آه مره
لكن أفضل 200 مرة
من ناس نيتها مش سالكه
تشوفها ملايكه من بره
محبوس في سجن الذكريات
محكوم عليا مدى الحياه
وكل ماأهرب م اللي فات
يحاوطني من كل إتجاه
عايش وفيا قلبي مات
وماتت كل حاجه معاه
