شيرين عبدالوهاب… تسرد تحديات الماضي وأحلام المستقبل

متابعة: ثريا الصاوي

استضافت الإعلامية إسعاد يونس المطربة شيرين عبدالوهاب في برنامج “صاحبة السعادة” المذاع على قناة dmc .

أبدعت الفنانة شيرين عبد الوهاب بغناء “بانوا بانوا بانوا على أصلكوا بانوا” للفنانة الراحلة سعاد حسني.

قالت شيرين عبد الوهاب: “السبب أن صوتي عتيق، أنا بقيت بعرف قيمة نفسي خلاص، أتدفيت في حضن الناس اللي بتحبني، كالعادة ربنا يخليكو ليا”.

تابعت: “بعد حفلة دبي، متخيلتش أن ده اللي هيحصل، كنت ببص في عيون الناس علشان أرصد أي لحظة استغراب من اللي عملته في شعري، لاقيت أنهم منبهرين بيا، ولا كأني حلقت شعري”.

وأوضحت شيرين: “نفسي أعمل أغنية كل شهر وكل أسبوع وكل يوم، أنا جعانة غناء، عندي أغاني كتير بس أنا أحب أن الجرعة تكون خفيفة عالناس، أنا بقيت قديمة شوية، بسأل على ردود أفعال الناس بس مش بتابع، بفتح تلفوني ثواني فبيسحب مني شحنة، فبمقتش أتابع، ونفسي اللي جاية تكون أغنية قديمة شوية شبه بتونس بيك”.

وأضافت: “إن أغنية “بتوحشني”، لما بسمعها حتى الآن يؤلمني قلبي وهي من كلمات نصر محروس وألحان رياض الهمشري، معلقة هيفضل واحشني لغاية امتى طيب؟”، كما حرصت شيرين على غناء أغنية “كدة يا قلبي”.