عبير سعيد في حوار خاص مع عالم النجوم: نفسي أعمل حاجه للطفل
إعداد وحوار / دعاء نصر
الفنانة عبير سعيد “عبير فاروق” ممثلةممثلة مصرية. بدأت العمل الفني سنة 1997 من خلال دورها في المسلسل الشهير “عائلة ونيس” في دور إصلاح “أم مصري” و التي تألقت فيه ببراعة. المسلسل بطولة الفنان محمد صبحي والفنانة الراحلة سعاد نصر. استمرت بالتمثيل مع الفنان محمد صبحي حتى أصبحت واحدة من أفراد فرقته المسرحية والتلفزيون.
ومن أبرز أعمالها المسرحية: مسرحية كارمن و سكة السلامة و مسرحية لعبة الست . كما شاركت في العديد من المسلسلات التليفزيونية: هربانة منها، كفر دلهاب، سرايا عابدين. الدجال، سيرة الحب، الفتوة ، في غمضة عين، البحر و العطاشة ولاد تسعة، الزيبق، ظل الرئيس، كابتن أنوش. راجل و ست ستات، عيون القلب، أبو البنات، المغني، بنات سوبر مان، وغيرها من الأعمال.
الفنانة عبير سعيد ايه رأيك في الدراما اليوم ؟
الدراما اليوم مش هي الدراما بتاعة زمان يعني أنا حابة أن الدراما تبقي أحسن وافضل من كده بكتير. نفسي كل الناس يرجعوا تاني والرقابة تشوف وتقنن المشاهد، الحاجات اللي ماشية مع مجتمعاتنا وعاداتنا.
زى ونيس وأسامة أنور عكاشة واللمة والعيلة يبقى رمضان فيه بهجة ومايكونش فيه كل الكميات بتاعة المسلسلات دى . يبقي عشان الناس تشتغل ماينفعش اه نقنن المسلسلات بس عايزة كده.
علاقة الفنانة عبير سعيد بالطفل ؟
علاقتي بالطفل انا طبعا بحب الأطفال جدا ونفسي أعملهم أي حاجة. كان فى زمان أيام عارفه فؤاد المهندس أما كان بيعمل عمو فؤاد وعبد المنعم مدبولي لما كان بيعمل جدو عبده. عايزين نهتم بالطفل شوية .. فؤاد المهندس وعبد المنعم مدبولي كانوا عاملين جو حلو للأطفال عاش عليها أجيال متربين علي القيم والأخلاق. نفسي المسرح بتاع الطفل يشتغل تاني ويعمل حاجات حلوة ومسرحيات حلوة للطفل يفهمها وتبقي كويسة وتبقي ممتعة ماتبقاش اى حاجة أو تقضية واجب أو سبوبة.
حقيقي نفسي أعمل حاجة للطفل لأن الأطفال أصبحوا مظلومين بشكل محزن، بقوا بيتفرجوا على نينجا ومش عارف جريندايزر ومش عارفة إيه. وقتل وضرب لما الأ طفال خلاص بقى عندهم عنف، ومفيش سيطرة عليهم لان مفهوم براءة الطفولة عندهم أختلف بسبب مايشاهدونه. لذلك لابد من مساعدة الأطفال لان أطفال اليوم هما جيل بكرة والمستقبل، هم من سيقدون حركة التنمية، هما المخزون البشري الاستراتيجي اللي لازم ولابد من حمايته من الأخطار والعقوبات، والطاقة السلبية المؤثرة علي حياته ونفسيته. لذلك لابد أيضا من أننا نهئ البيئة الصالحة لكي ينشئ نشأة صالحة تؤهله ليكون فرداً سوياً مشبع بالقيم والأخلاق، وعنده رصيد نفسي صحي كفيل ان يجعل منه إنساناً مكتمل النمو العقلي والنفسي والجسدي أيضا.أطفالنا قطعة مننا ولا يستحقون منا إلا الحفاظ عليهم.
تحبي تقولي ايه لكل أم بمناسبة عيد الأم ؟
الأم دى مدرسة وكلنا لازم نحترمها ونقدرها، الواحد من غير أم ميسواش، دي البني أدم الوحيد اللي يحب يشوفنى أحسن منه ذات نفسه محدش تانى هيحب كده بتتفانى عشانا الله يرحمه كل الأمهات اللي توفوا ويحمي كل الأمهات اللي عايشين ويصبر كل اللي فقد أمه لان الأم دى الحنية والدعا واللي الواحد لو هي راضية عنه الحياة كلها بتبقى كويسة و طبعا ربنا أوصى بالوالدين وقالك أمك ثم أمك ثم أمك ثم أبوك فده بالنسبة للأم.
