عبير صلاح الدين: محمد صبحي حاربني وجاب لي اكتئاب 5 سنين
كتبت/ نهى مرسي
حلت الممثلة عبير صلاح الدين ضيفة على برنامج “كلام الناس” الذي تقدمه الإعلامية ياسمين عز، علي قناة MBC مصر.
وكشفت عبير صلاح الدين الشهيرة بعبلة في أول ظهور لها بعد مجيىها من كندا إلى مصر، تفاصيل معاناتها وسبب ابتعادها عن الوسط الفني لعدة سنوات، بجانب الحديث عن خلافها مع الفنان محمد صبحي.
قالت عبير صلاح الدين: “رفضت استكمال تصوير باقي أجزء مسلسل ونيس، شعرت أني لا أقدم جديد، من حقي كممثلة أرفض الدور لو مش حاسة أني هقدم جديد، وأنا مش هحرق الشخصية بعد نجاحها، لأني فنانة بحب فريق العمل والمصداقية عندي أهم شيء، وما كنتش قادرة أعمل كده لأن الممثل مش آلة هتدوس على زراير يشتغل لأ لازم يكون في إحساس”، حسب تصريحاتها لبرنامج “كلام الناس” الذي تقدمه ياسمين عز الدين.
وتابعت: زملائي الفنانين حذروني، قالوا لي كده مش هتشتغلي وهتعقدي في البيت، لكن أنا قلت الرزق بتاع ربنا وحاولت كتير لكن كل البيبان كانت متقفلة، لحد ما جالي اكتئاب خمس سنين من 2010 حتى 2015 وكل المحطات بتتقفل في وشي.
وأضافت: من هنا حاربني محمد صبحي لأني قلت لا، هو حارب نجوم غيري كتير ولو لاحظنا هتلاقي إن الناس اتغيرت في مسلسل عائلة ونيس من أول جزء حتى الجزء السابع، ودا لأن اللي بيقول لا أو بيزعل محمد صبحي بيموته في الموسم اللي بعده وبيسفره.
واستكملت حديثها قائلة: نصحوني اعتذر لمحمد صبحي عشان ما أقعدش في البيت، ولكني مش ندمانة ومش هعتذر لأني مغلطتش ودا حقي كممثلة إني أقول لأ.
واستكملت: “وبدأت أحس بحاجة من نوع أنا االلي عملتك من غير ما تحسي، ويمكن التجربة دي خلتني أعيد تفكيري في حاجات كتير وحاولت أعمل مسلسل إذاعي مع عبدالله مشرف وقلت مش هطلع في التلفزيون لكن عبدالله ما كملش معايا من أول حلقة بعد نزول التتر والذي اعلنه عنه على السوشيال ميديا”.
وأوضحت عبير في لقاءها مع الإعلامية ياسمين عز: “البني آدم لو لقى نفسه الدنيا مقفلة معاه يدور على حاجة تانية كانت في حياته ممكن ربنا رايد إننا نروحها، وأنا دراستي كانت علم اجتماع وعاملة ماجستير في الاجتماع وفن المونولوج في التسعينيات، وسبت فن المونولوج عشان أعمل في مسلسل يوميات ونيس، ورجعت له فترة توقف ونيس وبعدين رجعنا عملنا ونيس الجزء السادس وبعد السابع من 2010 لـ 2015 الدومينو قفلت”.
