عودة البرنسيسة ورجب يعترف بحبه.. تفاصيل حلقة 26 من اش اش
كتبت / مادونا عادل عدلي
في بداية الحلقة اش اش بتقابل لبنى وبتقول لها انت اللي سقطتيني يا لبنى ولبنى بتقول لها تعالي ننسى اللي فات ونبدا صفحه جديده انا عرفت انك راجعه موضوع ان احنا اخوات ده حاجه انا مش فاهماها لحد دلوقتي بس المهم انك هترجعي وانا مش فاهمه ايه اللي في نيتك رمي بلاء على مختار بقى عايزه تقلبي عمي مش فارق ليا اهم حاجه يبقى بعيد عني وعن اللي يخصني انا بقولها لك دلوقتي علشان نبقى على بياض واش اش بتقول لها لا البياض ده انت وسختيه باللي عملتيه بقى لونه رمادي ولبنى بتقول لها انا اي حاجه عملتها معاكي كانت قبل لما اعرف ان احنا اخوات واش اش بتقول لها لا والله تصدقي اشتريت انا كلامك ده ولبنى بتقول لها ايه اللي يرضيك يعني دلوقتي اش اش بتقول لها تحملي واسقطك نصيحه مني لو داخله الجوازه وفي نيتك تكوين اسره الحقي اشتري لك شريطين منع الحمل علشان اول لما اعرف انك حامل هاجر نفس العيلين واخليهم يسقطوكي وهاجي ازورك في المستشفى واشمت فيكي
ولبنى بتقول لها بلاش يا اش اش علشان انا المره دي جاهزه ومشمره وبعدين احنا في الاول وفي الاخر اخوات
واش اش بتقول لها لا انت غلطانه في العنوان اللي يفرق معاه موضوع اخوات ده هي اخلاص كابوريا مش انا انا حطيتك في دماغي خلاص من وقت لما عرفت اللي عملتيه معايا وبعد الكلمتين اللي قلتيهم دول حطيتك في دماغي اكتر
شاديه راحت لبوشكاش وبتقول له عملت ايه وبوشكاش بيقول لها رحت لبيت اخلاص وحطيت الجزمه في بقهم مش هتسمعي عنهم تاني ولا هتقابلي حد فيهم حتى صدفه وقلت لهم لو حد هوب ناحيه لبنى او اش اش قربت حوالين بيت الجريتلي تاني هيبقى يومهم اسود
وشاديه بتقول له وخافوا؟
وبوشكاش بيقول لها عيب يا شاديه ده انا كبير عائله كابوريا وشاديه بتقول له محسسني يعني انك كبير عائله عليها القيمه ده انتوا عره
لبنى راحت لاخلاص واخلاص اول لما شافتها راحت جري تاخدها في حضنها وبتقول لها انا عارفه انك اكيد وحشتك زي ما انت وحشتيني ولبنى بتقول لها لا الحقيقه انا مش وحشتيني زي ما انت فاكره انا جايه دلوقتي اكلمك كلمتين بالعقل احنا مش شبه بعض لا انت شبهي ولا انا شبهك انا لما اعدت وفكرت حسيت ان الموضوع ما ينفعش فاقفلي بقى على الخبر ولو جت يعني على الكم مكالمه بتوع الاعياد فانا مش همانع غير كده لنا ليا عندك ولا انت ليكي عندي ولو حسبتيها بالعقل هتلاقي كلامي مظبوط
واخلاص بتقول لها منه لله فرج اللي كان سبب فراقك عني منه لله اللي رباك على قسوه القلب اللي خليتك تقفي دلوقتي قدام امك وتقولي ليها الكلمتين دول ربنا ياخده
ولبنى بتقول لها انت تنسي خالص موضوع انك امي وانا وانا هنسى خالص ان انا عرفت الموضوع ده كفايه فضايح بقى ولو احتجت فلوس ولا حاجه ابقي كلميني انا مش هتاخر لكن تمشي تقولي لطوب الارض ان انا بنتك وقتها تبقي انت اللي بتنكشي معايا على مشاكل
واخلاص بتقول لها لو كنت اعرف من وانت في بطني انك هتورثي وساخه ابوك كنت وانا بولدك قعدت عليك وفطستك وخلصت منك لا انت بنتي ولا انا امك
شاديه بتفتح الباب وبتلاقي عبد العاطي طالع بشنط كثير كده الشقه اللي فوق وبتقول له شنط مين ده يا عبد العاطي وهو بيقول لها دي شنط الست شروق اصل المعلم رجب ردها
وشاديه واقفه كانت هتموت في مكانها
وبعد كده معلم رجب بيقول لي اش اش حاسه بايه وهي بتقول له حاسه ان انا متلخبطه قول معلم رجب بيقول لها انا لما بسالك حاسه بايه ببقى نفسي اسمع كلمتين حلوين وهي بتقول له حاسه ان انا ردت فيا الروح انت كنت واحشني قوي
والمعلم رجب بيقول لها اش اش انا مش محتاج اكد عليك مختار ولا كانك شايفاه وهي بتقول له اللي تبقى مرات رجب اللي قالت لي عينيها ما تشوفش غيره
والمعلم رجب بيقول لها انا بحبك يا شروق
المعلم رجب بيقول لشروق لو في حاجه يا بنت الناس مخبياها عليا قوليها دلوقتي ما تسيبيش ولا حاجه مخبياها عليا وهي بتقول له لا ما فيش حاجه مخبياها
شاديه راحت للمعلم رجب وبتقول له ليه ليه يا رجب المعلم رجب بيقول لها علشان حبيتها انا عارف اني مش فارق معاكي ان انا احب واحده ثانيه اللي فارق معاكي الفلوس وان اش اش بنت اخلاص كابوريا وشاديه بتقول له لا فارق فارق معايا ان جوزي حب واحده تانيه والمعلم رجب بيقول لها شاديه احنا عاجنين وخابزينه فزي ما انت فاهماني كويس انا كمان فهمك يعني لو كانت واحده تانيه ما كانش هيفرق معاكي ومش هيفرق معاكي وكنت هتنفضي وهتستني لحد لما اموت علشان تورثي وشاديه بتقول له مستني مني ايه دلوقتي اقبل ان بنت ترجع تعيش معاك تاني انها ترجع توقع بينا تاني انها تهد البيت تاني
قول معلم رجب بيقول لها انا لا مستني منك تقبلي ولا ترفضي انا كل اللي مستنيه منك تحطي جزمه في بقك ولا تقربي منها ولا هي تقرب لك
وشاديه بتقول له احنا قبل لما البنت دي تدخل حياتنا كنا عايشين حياتنا زي الفل والمعلم رجب بيقول لها انت كنت عايشه زي الفل انما انا لا انت كنت عماله بتخططي لجوازه ده من دي وكل اول شهر بتنهبي واخوك يلهف وابنك انما انا عمري ما كنت مبسوط
الشرطه قبضت اعلى اخلاص كابوريا
وفي نهاية الحلقة اش اش كانت قاعده مستنيه رجب وبتقول له انا في حاجه مهمه عايز اقول لك عليها.
