فاقد الرغبة والإحساس .. بقلم / حمادة العسكري
رغم براح الكون مزنوق
شايف ضلمه في عز الضوء
وسط اللمه بكون وحداني
كاره العيشه وسط الناس
فاقد الرغبة والإحساس
حاسس إني واحد تاني
قلبي لا منه مات ولا عاش
بصرخ ليه الصوت متحاش
ببكي مفيش في عينيا دموع
قلبي إستكفى جراح وهموم
واقع ليه مش عارف أقوم
عايز أفهم إيه الموضوع
مخنوق
نفسي أرتاح من همي وأفوق
نفسي أحس بأي فروق
نفسي أعيش في حياتي جديد
مكبوت
موجوع قلبي كإني بموت
مش بالسهل الصعب يفوت
لكن سهل أوجاعي تزيد
قاري الدنيا بالمقلوب
حافظ مش فاهم المكتوب
في صراع وحروب دايما جوايا
بكرر ليه نفس الأخطاء
طيبه دي مني ولا غباء
تعبت خلاص وإحترت معايا
مخنوق
نفسي أرتاح من همي وأفوق
نفسي أحس بأي فروق
نفسي أعيش في حياتي جديد
مكبوت
موجوع قلبي كإني بموت
مش بالسهل الصعب يفوت
لكن سهل أوجاعي تزيد
