كريم مغاوري يحكي عن تفاصيل حالته النفسية خلال الفترة الماضية
كتبت: مادونا عادل عدلي
قام الفنان كريم مغاوري بنشر صورة عبر حسابه الشخصي على موقع التواصل الاجتماعي فيسبوك وعلق عليها قائلاً
وَلَا تَنسَوُا الْفَضْلَ بَيْنَكُمْ
إِنَّ للهِ عِبادًا اخْتَصَّهُمْ لِقَضَاءِ حَوَائِجِ الناسِ
اواخر شهر فبراير اللي فات واوائل مارس كنت في اصعب حالة نفسية وصلت ليها في حياتي وعمري ماكتبت اي پوست سلبي عن نفسي او حياتي الشخصية وصعب اصلا اظهر اي طاقة سلبية للناس على الفيسبوك عموما، بس الفترة ديه فعلا كانت الدنيا مسودة قدامي وكتبت بوست بعلن إن الارق المزمن تملك مني واني داخل خلاص ومستسلم للأكتئاب لان خلاص مستقبلي فنيا بيضيع
وتابع… وان انا بسبب ان مفيش شغل في اي عمل فني موجود فيه واحنا داخلين على رمضان ده سببلي ازمة نفسية شديدة خصوصا ان من ٢٠١٨ وانا كل عمل بشارك فيه ادوار ضيف شرف صغيرة قوي اقل من حجات كتير عملتها قبل كده وخصوصا اني عملت ادوار مهمة وبطولات في مسلسلات كتير وبعد فترة كل حاجة وقفت عندي وعند قطاع كبير من الممثلين لسبب اعتقد كلنا عارفينه كويس ومش هنتكلم فيه دلوقتي.
المهم بعد الپوست ده لاقيت أمين جمال Amin Gamal بيكلمني على التليفون وبيعتذرلي وبيقولي حقك عليا معلش انا قصرت فحقك بس ان شاء الله خير واللي جاي احسن وسامحني ياصاحبي لأني قصرت معاك”
انا طبعا مستغرب لان اكيد أمين مش مسئول عن اللي انا فيه بس على الاقل فرحت ان في انسان واخ من اصحابي ودفعتي بيجبر بخاطري
واللي فرحني اكتر إن بعد فترة فعلا صدق ماوعدني به واشتغلت معاه في مسلسل كان بمثابة رد الروح ليا بجد.
وانا عارف ومتأكد إن أمين تحديدا بفضل الله ساعد ممثلين كتير من جيلنا يابخت جيلنا بأمين جمال وكل الناس اللي بتساعد اصحابهم .
الحمد لله إن ربنا بيرزقنا بأصحاب زيك يا أمين
واختتم حديثه….على فكرة المسلسل هو #الحرير_المخملي هيتعرض على منصة Viu MENA مشرف على ورشة الكتابة امين جمال وتأليف اخواتي واصحابي وولاد الدفعة الواحدة شادي اسعد Shady Asaad واحمد ابوزيد توفيق احمد أبوزيد توفيق وصديقي حمدي التايه Hamdy Eltayeh
وإخراج الاخ والصديق و
الاستاذ احمد حسن Ahmed Hassan
