محمد هنيدي عبر الفيسبوك “7 أسباب تخليك تشوف الإنس والنمس”
كتبت: مادونا عادل عدلي
قام الفنان محمد هنيدي بنشر صورة لبوستر فيلمه الإنس والنمس عبر موقع التواصل الاجتماعي فيسبوك وعلق قائلًا
سبع اسباب تخليك تشوف فيلم الإنس والنمس
– لو نجحت وجبت مجموع فتكون فرصة تحتفل
– لو سقطت او مجبتش مجموع فتكون فرصة تخفف عن نفسك
– لو عندك مدير مزهقك او شغل تعبك ففي دراسة بلجيكية حديثة اثبتت ان الفرجة على أفلام هنيدي بتحسن المزاج وبتخليك تفكر احسن ازاي تطفش المدير
– لو جعان ففيه فشار في السينما ممكن يشبعك ومن غير سعرات حرارية تتخنك ولو عايز تتخن اضرب معاه بيبسي .. ولو عايز تخس بس بتحب البيبسي .. عندهم برده بيبسي دايت
– ان الناس بتشكر في الفيلم وفرصة تشوفه في السينما عشان ماتحسش انك غريب ومضطهد في المجتمع
– ان الفيلم صفعة على وجه هوليوود وبوليوود والصين اننا قادمون وهنعمل أفلام تمحو تاريخكم وماضيكم ومستقبلكم وحاضركم والمضارع والمضاف اليه
– ان الفيلم هيديك طاقة روحية هتوصلك لمكنون جوهرك وذاتك اللي بتبحث عنها من أيام ما كنت جنين
– ان الحياة مابتقفش على حد .. فلو سينجل او ماعندكش صحاب .. ممكن تروح تشوفه عادي وتنبسط
